完整藏文原文 · 德格版页 当前仅加载第 70 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུན་པོའི་ཕྲེང་བ་དང་ཅོད་པན་དག་རྣམ་པར་འཕྱང་བ་མེ་ཏོག་གི་ཕྲེང་བ་གཞན་རྣམས་འཕྱང་བ། ཕྱོགས་གཅིག་ན་བ་དན་རླུང་གིས་རྣམ་པར་བསྐྱོད་པ། རྣ་གདུབ་ཀྱིས་མཁུར་ཚོས་ལ་ངེས་པར་འདྲུད་པ། རང་གི་འོད་ཀྱིས་རྣམ་པར་སྣང་བར་བྱེད་པའི་འོད་དང་ལྡན་པ། སྣལ་མའི་ཆུན་པོ་གཞན་རྣམ་
D287.070.0073b01.01པར་འཕྱང་བ་རབ་ཏུ་དགའ་བའི་པུ་ཌིན་བཅིངས་པའི་ཕྲེང་བ་དང་། རླུང་གི་ཤུགས་ཀྱིས་ཐད་ཀར་གྱུར་པ་ལ་བྲིས་པའི་གཞོན་ནུ་མ་ལང་ཚོ་ལ་བབ་པ་རྣམས་ཀྱིས་ལག་པ་དང་། རྐང་པ་ལ་གཏད་པའི་ཡིད་ཅན་རྣམས་སོ། །ལྷ་གཞན་ནི་པི་བང་གི་སྒྲས་བསྐྱེད་པའི་ཀུན་ཏུ་ཆགས་པ་དེ་ལ་སོང་
D287.070.0073b02.01བའི་ཡིད་ཀྱིས་གང་ན་རྩེད་མོའི་ནགས་ཡོད་པ་དེར་དགའ་བས་གནས་པར་བྱ་བའི་ཕྱིར་ཉེ་བར་ལེགས་པར་འགྲོ་བའོ། །དེ་ལྟར་ན་འཐབ་བྲལ་གྱི་ལྷའི་འཇིག་རྟེན་པའི་ས་ན་གནས་པ་དེའི་ལྷའི་འཇིག་རྟེན་པ་དེ་དག་རྣམས་གང་ན་འཐབ་བྲལ་གྱི་བདག་པོ་མུ་སུ་ལུན་དྷའི་ཕོ་བྲང་ཡོད་པ་དེར་ཉེ་
D287.070.0073b03.01བར་ལེགས་པར་འགྲོའོ། །མདོར་བསྡུ་ན་ལས་ཇི་ལྟ་བ་དང་འདྲ་བའི་འགྱིང་བག་གིས་རྒྱུ་བ་དང་། རྒྱན་ནི་ཕྱོགས་བཅུ་ཐམས་ཅད་ཁྱབ་པར་སྒྲོགས་པ་བཞིན་དུ་གླུ་སྙན་པའི་སྒྲ་ཅན་གྱི་བུད་མེད་ཀྱི་ཚོགས་ཀྱིས་ཡོངས་སུ་བསྐོར་བས་ཕྱོགས་བཅུར་ཁྱབ་པར་གྱུར་ནས་ཐག་ཉེ་བར་བསྙེན་
D287.070.0073b04.01ཏེ། ལྷ་དེ་དང་བདག་ཉེ་བར་གྱུར་པ་ཡིན་ནོ་སྙམ་ནས་གནས་སོ། །དེ་ནས་ལྷ་དེ་དག་རྣམས་ཐམས་ཅད་ཀྱིས་ཀྱང་འཐབ་བྲལ་གྱི་མངའ་བདག་གི་གནས་མ་ལུས་པ་ལྷག་པར་བཀང་བར་འགྱུར་ཏེ། མུ་སུ་ལུན་དྷ་ནི་ཇི་ལྟར་ལས་རྣམས་ཀྱིས་བླ་ལྷག་པ་ཡིན་ལ་དེ་བཞིན་དུ་འབྲས་བུས་ཀྱང་
D287.070.0073b05.01སྟེ། རྒྱུ་དང་འབྲས་བུ་དག་གི་ཅི་འདྲ་བར་འགྱུར་བ་ནི་ས་བོན་དང་མྱུ་གུ་དག་གི་དཔེ་འདིས་རྗེས་སུ་རྟོགས་པ་ཡིན་ནོ། །གནས་དེར་སོང་བ་དེ་དག་མ་ལུས་པ་རྣམས་ཟིལ་གྱིས་ནོན་པར་འགྱུར་ཏེ། འདོད་པ་ཐམས་ཅད་ལྷག་པ་ཡིན་པའི་ཕྱིར་རོ། །དེ་ལ་དཔེ་མེད་པའི་དགའ་བ་རྣམས་
D287.070.0073b06.01ཡོད་པ་ཡིན་ལ་ཕྱོགས་ཙམ་ཞིག་བརྗོད་པར་བྱ་སྟེ། ཇི་ལྟར་ཉེ་འཁོར་དེ་སྲིད་ཀྱི་ནམ་མཁའ་ལས་ནགས་དེ་ཡོངས་སུ་བསྐོར་ནས་ཕྱི་རོལ་གྱི་ཕྲེང་བ་སའི་ཡོངས་སུ་འཁོར་བ་ནི་རིན་པོ་ཆེ་བདུན་གྱི་རང་བཞིན་གྱི་རིན་པོ་ཆེ་བརྒྱུས་པའི་ཕྲེང་བ་བཟུང་བས་མཆུ་ལ་འཕྱང་བའོ། །དེའི་ཡུལ་
D287.070.0073b07.01