完整藏文原文 · 德格版页 当前仅加载第 70 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་དེ་ཉིད་ཤེས། །བདེ་བ་ཡི་ནི་སྐལ་ལྡན་ཡིན། །ས་བོན་མེད་པའི་འབྲས་བུ་མིན། །མར་མེ་མེད་པར་གང་ལ་འོད། །ཚུལ་ཁྲིམས་མེད་ལ་མཐོ་རིས་མེད། །ཤེས་རབ་མེད་ལ་གྲོལ་ལམ་ཅི། །གལ་ཏེ་གྲོལ་ན་དེ་བདེ་ཡིན། །འདོད་པ་སྤངས་པ་སྐྱོབ་པ་ཡིན། །འདོད་
D287.070.0019b01.01པའི་སྲེད་ལས་རྣམ་གྲོལ་དང་། །ང་ཡི་མེད་པའང་བློ་ལྡན་ཡིན། །གལ་ཏེ་ལས་སྐྱེས་བདེ་འདི་རྣམས། །དེ་ཀུན་རྙོག་དང་བཅས་པ་ཡིན། །མཐར་ཐུག་པ་ནི་གང་ཡིན་པ། །དེ་ཀུན་དྲི་མ་མེད་པར་དྲན། །མི་རྣམས་བསྐལ་པ་བརྒྱར་ཡང་ནི། །ཡུལ་གྱིས་ངོམས་པ་ཡོད་མ་
D287.070.0019b02.01ཡིན། །བདེ་བ་གང་ཡིན་དེ་རྣམས་ལ། །ཡུལ་རྣམས་སྟེན་ལ་ངོམས་ཡོད་མིན། །བསྟེན་པར་གྱུར་ན་རྟག་པར་འདོད། །ཕྱིར་ཞིང་ཕྱིར་ཞིང་འཕེལ་བར་འགྱུར། །དེ་འཕེལ་བ་ནི་དུག་དང་མཚུངས། །ལོག་པར་ལྟ་བར་གྱུར་པ་ཡིན། །རྒུད་པ་ལ་མཁས་འཇིགས་རུང་
D287.070.0019b03.01བ། །རྟག་པར་ལྟུང་བའི་རྒྱུ་དུ་མ། །དེ་དག་ཡོངས་སུ་མ་སྤངས་ནའང་། །མིག་བྲལ་ཕལ་ཆེར་ལྟུང་བ་ཡིན། །སྐྱོན་དང་ཡོན་ཏན་ཡོངས་ཤེས་པ། །དེ་དག་མཁས་པའི་མཚན་ཉིད་ཡིན། །སྐྱོན་ཡོན་ཡོངས་སུ་མི་ཤེས་པ། །དེ་དག་རྨོངས་པའི་བྱེད་པ་ཡིན། །ཡོན་
D287.070.0019b04.01ཏན་ལ་ནི་ཡོན་ཏན་བློ། །སྐྱོན་རྣམས་ལ་ཡང་དེ་བཞིན་ནོ། །སྐྱོན་ཡོན་དེ་ཉིད་ཤེས་པ་དེ། །རྟག་ཏུ་བདེ་བའི་སྐལ་ལྡན་ཡིན། །དེ་ལ་དེ་དག་ཡུལ་རྣམས་ཀྱི། །སྐྱོན་ཡོན་ཤེས་པར་དེ་འདིར་འདོད། །ཤེས་རབ་ཡོངས་སུ་སྤངས་ནས་ནི། །ཡུལ་རྣམས་ལྷ་ཡིས་ཇི་
D287.070.0019b05.01ལྟར་སྟེན། །དེ་ལྟར་བྱ་དེ་དག་རྣམས་མུ་ཏིག་གི་དྲ་བའི་གསེབ་ཏུ་སོང་ནས་ཕན་པའི་དོན་དུ་རྗོད་པར་བྱེད་དེ་ལྷ་དེ་དག་རྣམས་ཉིད་ལ་ཕན་པའི་དོན་དུའོ། །གཞན་ཡང་རི་དེ་ཉིད་ཀྱི་ཉེ་འཁོར་གྱི་སྟེང་ན་འོད་ཀྱི་ཕྲེང་བ་རྣམ་པར་བཀྲ་བའི་ཆུན་པོ་སྦྲེལ་བར་གྱུར་པ་རྣམས་ནི་
D287.070.0019b06.01དུ་མར་མཛེས་པ་དང་། ཉེ་འཁོར་ན་འབར་བ་དེ་བཞིན་དུ་སྟེང་དུ་ཡང་གསལ་བར་བྱེད་དེ་ཇི་ལྟར་འཛམ་བུའི་གླིང་པས་ཁ་དོག་གསུམ་པ་རྣམས་དབང་པོའི་གཞུ་ཞེས་མངོན་པར་བརྗོད་པ་ཡིན་ལ་དེའི་ལོགས་རྣམས་ལ་ཡང་གལ་ཏེ་ལྷ་རྣམས་ལྟ་བར་བྱེད་ན་རིན་པོ་ཆེ་
D287.070.0019b07.01