'phags pa dam pa'i chos dran pa nye bar gzhag pa/
当前为德格木刻版 176b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 176b
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 70 函 · 德格 176b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཕྱོགས་རྣམས་ཀྱིས་མཚོན་པར་གྱུར་པ་ན་དགེ་བ་འདི་དག་རྣམས་འབྱུང་བར་འགྱུར་རོ། །གལ་ཏེ་ཡོན་ཏན་རབ་ཀྱི་ཕུལ་དང་ལྡན་པའི་བྱང་ཆུབ་སེམས་དཔའ་འདི་འབྱུང་བར་གྱུར་པ་ན་མ་འོངས་པ་ན་བྱའི་ལྟས་སུ་གྱུར་པའི་ཉན་ཐོས་དང་། རང་སངས་རྒྱས་དང་། དགྲ་བཅོམ་པར་གྱུར་པའི་བྱ་རྣམས་འཇུག་པར་འགྱུར་བའི་རྟགས་རྣམས་ཀྱང་མཐོང་བར་འགྱུར་རོ། །གཡས་ཕྱོགས་ནས་བསྐོར་བ་ནི་ཡང་དག་པའི་གོ་འཕང་ཡིད་ལ་བྱེད་པ་གཡས་ནས་བསྐོར་བ་དེའི་ཚིག་{བླ་དགས་,བླ་དྭགས་}ཡིན་ནོ། །གཞན་ཡང་འདིའི་ཇི་ལྟ་བ་ཉིད་དུ་འཇིག་རྟེན་པའི་རྒྱུ་མཚན་རྣམས་ལ་རབ་ཏུ་ལྟ་བར་བྱེད་དེ། ཇི་ལྟ་བར་དགེ་བར་
འབྱུང་བར་མི་འགྱུར་བ་ནི་སྐྱ་རེངས་དམར་པོ་དང་ཕྱོགས་རྣམས་ཀྱང་རྩུབ་པར་རབ་ཏུ་མཐོང་ངོ་། །རླུང་རྩུབ་མོར་གྱུར་པས་རླུང་རྣམས་རབ་ཏུ་རྒྱུའོ། །སྐྱ་རེངས་དམར་པོ་དེའི་ཀུན་དུ་ཆ་བྱད་ཀྱིས་ཉི་མ་ནམ་མཁའ་ལ་ཤར་ནས་གནས་པར་འགྱུར་རོ། །ཇི་ལྟར་དགེ་སྦྱོང་ངན་པ་འདི་བསམ་གཏན་སྒོམ་པ་ན་བར་ཆད་བྱེད་པར་འགྱུར་བའི་འཇིག་རྟེན་པའི་རྒྱུ་མཚན་ཉེ་བར་རྟོག་པར་བྱེད་དོ། །དེ་བཞིན་དུ་ཡང་དགེ་སྦྱོང་བཟང་པོས་འཇིག་རྟེན་ལས་འདས་པའི་རྒྱུ་མཚན་དད་པ་ཅན་ཐམས་ཅད་ལ་ཀུན་དུ་སྟོན་པར་བྱེད་པར་འགྱུར་ཏེ། ཇི་ལྟར་མི་མཛེས་པར་གྱུར་པ་རྣམས་འབྱུང་བར་འགྱུར་ན། དེ་ལ་ཅི་ཞིག་མི་མཛེས་
པར་འབྱུང་བར་འགྱུར་བ་འདི་ལྟ་སྟེ། དམ་པའི་ཆོས་རྣམས་ནུབ་པར་འགྱུར་བའོ། །ཇི་ལྟར་རྒྱུ་མཚན་འདི་དག་རྣམས་མཐོང་བ་ཡིན་ཏེ། ཕྱོགས་ཀྱི་ཁ་དོག་རྩུབ་པ་ཞེས་བྱ་བ་ནི་དམ་པའི་ཆོས་ནུབ་པར་འགྱུར་བའི་ཚིག་རྩུབ་དང་། {བརྫུན་,རྫུན་}དུ་སྨྲ་བ་དང་། ཕྲ་མ་བྱེད་པ་དང་། སྲོག་གཅོད་པ་དང་། མ་བྱིན་པར་ལེན་པར་འགྱུར་བ་རྣམས་ལ་དགའ་བའི་སྐྱེས་བུ་དག་ཕྱོགས་སུ་འབྱུང་བར་འགྱུར་རོ། །རླུང་རྩུབ་མོ་རྣམས་རབ་ཏུ་རྒྱུ་བ་ཞེས་བྱ་བ་ནི་མི་སྙན་པའི་ཚིག་{བླ་དགས་,བླ་དྭགས་}ཡིན་ནོ། །གང་གི་ཚེ་དམ་པའི་ཆོས་རྣམས་ནུབ་པར་གྱུར་པ་ན་སེམས་ཅན་ཆོས་དང་ལྡན་པ་མ་ཡིན་པ་རྣམས་འབྱུང་བར་འགྱུར་རོ། །དེའི་
ཚེ་མི་སྙན་པར་གྱུར་པའི་རླུང་རྣམས་ཕྱོགས་དག་ཏུ་འཕྱུར་བར་འགྱུར་རོ། །ཇི་ལྟར་སེམས་ཅན་འདི་དག་རྣམས་མཛེས་པ་མ་ཡིན་པར་གྱུར་པའི་སྡིག་པ་རྣམས་བྱེད་པར་གྱུར་པ་དེ་ལྟར་མི་སྙན་པའི་རླུང་རྣམས་རྒྱུ་བར་འགྱུར་རོ། །གཞན་ཡང་དེ་ཁོ་ན་ལྟར་འཇིག་རྟེན་པའི་རྒྱུ་མཚན་དུ་གྱུར་པ་དམར་རེངས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 176b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。