完整藏文原文 · 德格版页 当前仅加载第 70 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པས་ཀྱང་གཞན་དུ་རིའི་རྩེ་མོ་རྣམས་ལ་རྗེས་སུ་སྟེན་པར་བྱེད་པ་རྣམས་དང་། བྱི་རུའི་རང་བཞིན་གྱི་ལྗོན་ཤིང་སྣ་ཚོགས་པ་རྣམས་དང་ལྡན་པ། རྣམ་པ་བརྒྱ་སྟོང་དུ་མའི་སྒྲ་དང་། དབྱིབས་དང་། འོད་ཟེར་དུ་མས་གསལ་བར་གྱུར་པ། ཁམས་དུ་མས་རྣམ་པར་བཀྲ་བའི་
D287.070.0155b01.01རིའི་རྩེ་མོ་རྣམས་ལ་རྗེས་སུ་སྟེན་པ་རྣམས་ནི་བློ་མང་བར་གྱུར་པ་ཡིན་ནོ། །འཐབ་བྲལ་གྱི་བདག་པོ་འདི་དང་ལྷ་དེ་དག་རྣམས་ཉིད་ནི་ཕྱོགས་གཅིག་ཏུ་སྟེ། ཡུལ་དུ་མ་རྣམས་ལ་རྣམ་པར་ཆགས་པའི་ཡིད་དང་ཇི་ལྟ་བར་བྲལ་བའི་ལྷ་གང་ཡིན་པ་དེ་དག་རྣམས་ལྷན་ཅིག་ཏུ་གྱུར་པ་དེ་དག་
D287.070.0155b02.01ལ་འཐབ་བྲལ་གྱི་མངའ་བདག་གིས་འདི་སྐད་ཅེས་བརྗོད་དོ། །ལྷ་དག་བདག་ཅག་རྣམས་ལྷ་དེ་དག་རྣམས་ཅན་དུ་འགྲོ་བར་བྱ་སྟེ། རང་གི་དོན་ལས་ལྡོག་པར་འགྱུར་བའི་ཡུལ་རྣམས་ཀྱི་དོན་གང་ཡིན་པ་ལས་ཟློག་པ་ཉིད་ཀྱིས་བདེ་ལེགས་བྱས་པར་འགྱུར་རོ། །འདི་དག་རྣམས་མི་འཇུག་
D287.070.0155b03.01ཅིང་ཆོས་ལ་རྗེས་སུ་སྒྲུབ་པར་ནི་བདག་ཅག་རྣམས་ཀྱིས་ཅི་ནས་ཀྱང་བྱ་བ་ཡིན་ནོ། །བདེ་ལེགས་གཞན་རྣམས་དེ་ལྟར་ཉེ་བར་གོ་ནས་ལྷ་དེ་དག་རྣམས་ཉིད་དང་བཅས་ཏེ། ལྷ་རྣམས་ཀྱི་བདག་པོ་དེ་ཡིད་རབ་ཏུ་ཞི་བར་གྱུར་པས་གཞན་ཡང་གང་ན་ཚོགས་པ་རྒྱུ་བ་ན་རྣམ་པར་སྤྱོད་པའི་ལྷ་དེ་དག་
D287.070.0155b04.01རྣམས་ཀྱི་སའི་ཡུལ་ཕྱོགས་གཞན་ཅིག་ཡོད་པ་དེར་ཉེ་བར་ལེགས་པར་འགྲོ་སྟེ། འབབ་ཆུ་དང་། རྫིང་བུ་དང་། པད་མའི་ཚལ་སྣ་ཚོགས་པ་རྣམས་ལ་བྱའི་ཚོགས་རྣམས་ཀྱིས་རྣམ་པར་བརྒྱན་པ། རྣམ་པ་སྣ་ཚོགས་པའི་རྩེ་མོ་ཉེ་བར་དུད་པར་གྱུར་པ། རིན་པོ་ཆེ་རྣམས་ཀྱི་དཔལ་ཉེ་འཁོར་ན་
D287.070.0155b05.01རབ་ཏུ་འབར་བ་ལྟ་བུར་གྱུར་པ་དེ་ན་ཡོད་པའི་ས་ཕྱོགས་ཀྱི་ཆ་ཡིད་འཕྲོག་པར་བྱེད་པ། རྣམ་པ་དེ་སྲིད་པ་རྣམས་ཀྱིས་ནི་འཐབ་བྲལ་གྱི་བདག་པོས་ཀྱང་ངོ་མཚར་བར་བྱེད་པ། རིན་པོ་ཆེ་ཐམས་ཅད་ཀྱི་དཔལ་ཟིལ་གྱིས་མནན་ནས་ནམ་མཁའ་བརྟོལ་བ་བཞིན་དུ་མཐོ་བར་གནས་པ་རིན་པོ་ཆེ་སྣ་ཚོགས་
D287.070.0155b06.01ཀྱི་འོད་དང་ལྡན་པ་དང་། ཉི་མ་བརྒྱ་སྟོང་དང་ལྡན་པ། མངོན་པར་གསལ་བའི་གཟི་བརྗིད་དང་ལྡན་པ། མཆོག་ཏུ་ཞི་ཞིང་ཉེ་བར་གསལ་བར་གྱུར་པ། མཆོག་ཏུ་རྣམ་པར་དབེན་པའི་སའི་ཆ་ཤས་ན་གནས་པའི་མཆོད་རྟེན་མཐོང་ངོ་། །དེ་ནས་ལྷའི་བདག་པོས་འདི་སྐད་ཅེས་སྨྲས་སོ། །རིན་
D287.070.0155b07.01