完整藏文原文 · 德格版页 当前仅加载第 70 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དགྲའི་འཇིགས་པ་དང་བྲལ་བ། དོག་པའི་འཇིགས་པ་དང་བྲལ་བ་ཡོངས་སུ་མགུ་བར་བྱེད་པ་དང་། རང་གི་ལྟ་བ་དང་འདོད་པ་ཉམས་པ་དང་བྲལ་བའོ། །རྣམ་པ་དུ་མའི་ལྷ་རྫས་ཀྱི་ཡུལ་སྟེན་པ་ས་རབ་ཏུ་འཕེལ་བས་ཆེད་ཆེར་བྱེད་པ་མངོན་པར་ཞེན་པས་
D287.070.0057a01.01བདེ་བ་ལ་མངོན་པར་འཆུམས་པ་བློ་དམན་པར་གྱུར་པས་འདི་ལྟར་སེམས་ཀྱིས་བསམས་ནས་རབ་ཏུ་རྟོག་པར་བྱེད་དེ་ང་ནི་གང་ཡིན། གང་ནས་འདིར་འོངས། གནས་འདིའི་མིང་ནི་ཅི་ཡིན་ཞེས་དེ་ལྟར་དེའི་བློས་རབ་ཏུ་རྟོག་པར་འགྱུར་བ་ནི་དཔེར་ན་ར་རོ་བར་གྱུར་པའི་སྐྱེས་བུ་ཉལ་བའམ་གཉིད་
D287.070.0057a02.01འགགས་ནས་ཐུན་གསུམ་ལ་རབ་ཏུ་སད་པ་ན་ཡིད་ཀྱིས་རབ་ཏུ་རྟོག་པར་བྱེད་དེ། བདག་ནི་གང་ཡིན། གང་ན་གནས་པ་ཡིན། ར་རོ་བ་དེས་བསམ་པས་བསམས་ནས་སོ་སོར་ཤེས་པར་འགྱུར་བ་དེ་བཞིན་དུ་འདིར་ལྷ་གསར་དུ་སྐྱེས་པ་དེས་ཀྱང་དུས་ཤིན་ཏུ་རིང་བར་བསམས་ནས་སོ་སོར་
D287.070.0057a03.01ཤེས་པར་གྱུར་ཏེ། ཇི་ལྟར་བདག་མི་ནས་འཆི་འཕོས་ནས་འདིར་སྐྱེས་སོ། །དེའི་སེམས་ཅི་འདྲ་བ་ནི་བདག་མིར་གྱུར་པ་ན་མ་ཡིན་ལ། རྣམ་པ་དེ་འདྲ་བའི་ཡིད་ཀྱིས་བསྒོས་པའི་རྒྱུད་ཅན་ཡང་ལྷའི་འཇིག་རྟེན་དེ་ན་ཡོད་པ་རྣམས་ཡིན་ནོ། །ཡུལ་ལྔ་པོ་རྣམས་ལ་འདི་ན་ཞེན་
D287.070.0057a04.01པར་བྱེད་དེ། དེ་དེ་ལྟར་བསྒོས་པའི་རྒྱུད་ཅན་ཡིན་པས་ལྷའི་འཇིག་རྟེན་དེ་ལ་སོ་སོར་དེ་ཁོ་ན་བཞིན་དུ་མངོན་པར་ཞེན་པར་འགྱུར་རོ། །སྔོན་དེའི་རྒྱུད་ལ་བསྒོས་པར་གྱུར་པས་དུས་ཤིན་ཏུ་རིང་བ་ནི་ལེགས་པར་ཤེས་ཏེ། བདག་ནི་ལྷའི་ནང་འདིར་སྐྱེས་ཏེ་ལེགས་པར་བྱས་པའི་ལས་ཀྱིས་
D287.070.0057a05.01ལྷའི་འཇིག་རྟེན་དུ་སྐྱེས་སོ། །དེ་ལྟ་བུ་གང་ཡིན་པ་ནི་འཐབ་བྲལ་ནས་འཆི་འཕོས་ནས་ལྷར་སྐྱེས་པ་མ་ཡིན་པར་བལྟ་སྟེ། དེ་ནི་རྣམ་པ་དེ་ལྟ་བུའི་རོལ་མོའི་རང་བཞིན་ཅན་ཡིན་པའི་ཕྱིར་རོ། །ཇི་ལྟར་ལྷ་ཉིད་ནས་འཆི་འཕོས་ནས་མིར་སྐྱེ་བ་ནི་སྔོན་དེས་བསྒོས་པའི་རྒྱུད་ཡིན་པས་དེ་འདྲ་
D287.070.0057a06.01བའི་རང་བཞིན་དུ་འགྱུར་རོ། །དེ་བཞིན་དུ་མི་རྣམས་ནས་འཆི་འཕོས་ནས་ཡང་དེས་བསྒོས་པའི་རྒྱུད་ཡིན་པས་དེ་ཁོ་ན་འདྲ་བའི་རང་བཞིན་དུ་འགྱུར་རོ། །ལྷར་ཡང་རང་བཞིན་དེས་སྤྱོད་པར་འགྱུར་ཏེ། རང་བཞིན་སེམས་ཀྱི་རྒྱུ་འཐུན་པ་ཡིན་པའི་ཕྱིར་རོ། །གལ་ཏེ་དམྱལ་བ་ནས་འཆི་
D287.070.0057a07.01