完整藏文原文 · 德格版页 当前仅加载第 70 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་གྱི་ལྷ་རྣམས་ཀྱིས་ལས་ཚོགས་པ་རྒྱུན་གྱིས་རྒྱུ་བའི་ལྷ་རྣམས་ཀྱི་ནང་དུ་སྐྱེའོ། །སྐྱེས་པ་ན་ཡང་འདི་ནི་མཆོག་ཏུ་རོལ་མོ་དང་ལྡན་པ་མཆོག་ཏུ་སྐྱིད་པར་གྱུར་པ་དེའི་རྒྱའི་རྗེས་དང་འདྲ་བའི་བདེ་བ་རྣམ་པ་དུ་མ་དང་ལྡན་པར་འགྱུར་རོ། །ས་དེ་ཡང་རི་གཉིས་
D287.070.0045a01.01དག་གིས་ཡོངས་སུ་བསྐོར་བ་ཡིན་ཞིང་དེ་ལ་རྒྱུན་གྱིས་རྒྱུ་བའི་རི་ལ་ནགས་བཞི་ཡོད་པ་རྣམས་ལ་འདི་ལྟ་སྟེ། གྲིབ་མ་སྣུམ་ཞིང་ནག་པ་དང་། རྣམ་པ་དུ་མར་འགྲོ་བ་དང་ཐམས་ཅད་སྐྱེ་བ་དང་རབ་ཏུ་དང་བར་འགྲོ་བའོ། །དེ་ལ་སྣུམ་ཞིང་ནག་པའི་ཞད་ཅན་ནི་ཨིན་དྲ་ནཱི་ལ་འབའ་ཞིག་དང་
D287.070.0045a02.01མཚུངས་པའི་ཁ་དོག་གི་ཤིང་རྣམས་ལ་གསེར་དང་དངུལ་གྱི་འདབ་མ་ཅན་གང་གི་མཛེས་པ་བསྟན་པར་མི་ནུས་པའི་ཕུན་སུམ་ཚོགས་པ་གང་གི་ཡལ་ག་དང་གྲིབ་མ་དཔག་ཚད་ལྔ་བརྒྱ་པ་བརྟོལ་ནས་འགྲོ་སྟེ། ཆེས་གནག་པའི་ཆར་སྤྲིན་བཞིན་ནོ། །དུ་མ་འགྲོ་བའི་ནགས་གཞན་དང་
D287.070.0045a03.01ཐམས་ཅད་སྐྱེ་བ་ཡང་ནགས་གཞན་ཡིན་ཏེ། དེ་དག་ན་ནི་ཤིང་གི་རིགས་དུ་མ་རྣམས་ཡོད་དེ། ལྗོན་ཤིང་དེ་རྣམས་ནི་ཁ་དོག་དུ་མ་དང་དབྱིབས་དུ་མ་དང་། ཚད་དུ་མ་དང་སྡོང་བུ་དུ་མ་དང་བྱའི་ཚོགས་དུ་མས་བསྟེན་པར་གྱུར་པ་ལ་འདི་ལྟ་སྟེ། གསེར་གྱི་སྡོང་བུ་ལ་དངུལ་གྱི་འདབ་མ་དང་
D287.070.0045a04.01བཻ་ཌཱུརྱའི་སྡོང་བུ་ལ་བྱི་རུའི་འདབ་མ་དང་། བྱི་རུའི་སྡོང་བུ་ལ་དངུལ་གྱི་འདབ་མ་དང་། འདྲེན་མའི་སྡོང་བུ་ལ་འདྲེན་མའི་འདབ་མ་དང་། འདྲེན་མའི་གྲིབ་མ་དང་། འཁྲི་ཤིང་གིས་ཁྱབ་པའི་ཤིང་རྣམས་ཏེ། ས་གཞིའི་ཆ་ཡང་འཁྲི་ཤིང་གི་ཁང་པས་ཉེ་བར་དབེན་པ། ས་ཕྱོགས་ཀྱི་
D287.070.0045a05.01ཆ་དེ་ཡང་ཐམས་ཅད་ལས་མཆོག་ཏུ་རྒྱ་ཆེ་བ་དང་མཆོག་ཏུ་དགའ་བའི་བུང་བའི་ཚོགས་རྣམས་སྒྲ་རྣམས་འབྱིན་པས་མཛེས་པ་དང་ལྡན་པ་ཡིན་ལ། རྣམ་པ་དེ་ལྟ་བུ་ནི་ནགས་གཉིས་པ་ཡིན་ཏེ། ནགས་གཞན་ཐམས་ཅད་ངེས་པར་སྐྱེ་བ་ན་ནི་རྣམ་པ་དུ་མའི་འབབ་ཆུ་དང་། ཆུ་ཀླུང་གི་
D287.070.0045a06.01སྒྲ་གྷར་གྷ་རའི་གདངས་ཀྱི་སྒྲ་རྣམ་པ་དུ་མ་དང་ལྡན་པས་ཆུ་ཀླུང་གི་སྒྲས་ས་ཕྱོགས་ཀྱི་ཆ་ཁྱབ་པར་གྱུར་པའོ། །རྨ་བྱ་དང་ཁུ་བྱུག་གི་སྒྲ་མཉན་པར་སྙན་པས་ཀུན་ནས་གང་བའོ། །གཞན་ཡང་རབ་ཏུ་དང་བར་འགྲོ་བ་ནི་བསྟེན་པར་མི་ནུས་པར་དགའ་ཞིང་གསལ་བའི་ཤིང་གི་གཟུགས་
D287.070.0045a07.01