完整藏文原文 · 德格版页 当前仅加载第 70 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པས་བག་མེད་པར་གནས་པ་རྣམས་ལ་རྣམ་པ་དུ་མར་ཤིན་ཏུ་གསལ་བར་སངས་རྒྱས་ཀྱི་གསུང་ལེགས་པར་སྟོན་པར་བྱེད་དོ། །སེམས་ཅན་བག་མེད་པ་རྣམས་ཀྱིས་བག་མེད་པ་ལ་གནས་པ་རྣམས་ཡུལ་གྱི་ངམ་གྲོག་དུ་མར་བྱིང་བར་གྱུར་པ་དེ་དག་རྣམས་ལ་འཇིགས་པ་ལྔ་
D287.070.0046b01.01སྟོན་པར་བྱེད་པ་ནི་འདི་ལྟ་སྟེ། སྐྱེ་བའི་འཇིགས་པ་དང་རྒས་པའི་འཇིགས་པ་དང་ནད་ཀྱི་འཇིགས་པ་དང་འཆི་བའི་འཇིགས་པ་དང་རང་གི་ལས་ཀྱི་འཇིགས་པ་སྟེ། ཇི་ལྟར་ལས་ཀྱིས་སེམས་ཅན་འདི་དག་རྣམས་འབྱུང་བར་འགྱུར་ལ། དེའི་སྐལ་བ་ཅན་དེ་ལྟ་བུར་འབྱུང་བར་
D287.070.0046b02.01འགྱུར་རོ། །འཐུན་པ་ཡིད་དུ་འོང་བ་དང་འབྲལ་བའི་འཇིགས་པ་དང་འདུས་པ་དང་འབྲལ་བའི་འཇིགས་པ་དང་འཇིགས་པ་དེ་བཞི་གང་དག་གིས་རབ་ཏུ་སྟོན་པར་བྱེད་དོ། །འདོད་པའི་སེམས་ཀྱིས་མ་ཡིན། བསྙེན་བཀུར་འདོད་པས་མ་ཡིན། དྲེགས་པས་དང་བསྒྱིངས་པའི་
D287.070.0046b03.01རྒྱུས་མ་ཡིན་ཞིང་། མ་འདྲེས་པར་སངས་རྒྱས་ཀྱི་གསུང་སྟོན་ཏོ། །གཞན་དག་གིས་གཞན་དུ་མ་ཐོས་པའི་དཔེ་དང་ལྡན་པ་རྣམས་ཐོས་པ་ཉུང་བའི་འཇིགས་པས་འདིར་སངས་རྒྱས་ཀྱི་གསུང་བག་ཙམ་ཞིག་བརྗོད་པ་ཡིན་ལ། དེས་དུས་འདའ་བར་འགྱུར་བའི་ཕྱིར་ན་རྒྱུ་མཚན་དང་
D287.070.0046b04.01དཔེ་གཞན་རྣམས་ནི་མ་ཡིན་ཏེ། མ་ཐོས་པ་རྣམས་ཕྱི་ནས་རྗོད་པར་བྱེད་དོ། །རྣམ་པ་སྣ་ཚོགས་པ་རྣམས་འདོད་པས་ནི་དེས་འདའ་བར་འགྱུར་བས་ན་དེས་དེ་ལྟར་ཆོས་འཆད་པར་འགྱུར་རོ། །དེའི་རྒྱུས་དེས་ཀྱང་འཆི་འཕོ་དང་སྐྱེ་བས་བྱས་པའི་འཇིགས་པ་རྣམས་འཁོར་བས་བྱས་
D287.070.0046b05.01པར་མཐོང་ངོ་། །ཆོས་སྟོན་པ་ཐམས་ཅད་ལས་འབྲས་བུ་མང་བར་འགྱུར་བ་ནི་འདི་ལྟ་སྟེ། མ་དང་ཕ་དང་ནད་པ་དང་ལྟ་བ་ལོག་པ་ཅན་ཞི་བའི་ལྟ་བ་སྐྱེ་བར་བྱེད་པ་དང་། འཆི་བའི་ཡུལ་དང་དུས་ཀྱི་སེམས་ཅན་རྣམས་ལ་ཆོས་སྟོན་པར་བྱེད་པ་དང་། གང་འདོད་རྒྱལ་བ་རྒྱུ་མེད་པར་འཁོར་
D287.070.0046b06.01བར་འཇུག་པར་འགྱུར་བ་རྒྱུ་མེད་པའི་འཇུག་པ་ནི་མེད་དོ། །ཆོས་མ་ཐོས་པ་རྣམས་ལ་སྟེ་གང་གིས་ནམ་ཡང་ཆོས་ཐོས་པར་མ་གྱུར་པ་འབྲོག་དགོན་པར་ཞུགས་པ་རྣམས་དང་། ལམ་དུ་འགྲོ་བ་རྣམས་དང་། དེ་ཡང་རྒྱ་མཚོར་རབ་ཏུ་འགྲོ་བ་རྣམས་དང་། གནས་པ་རྣམས་དང་། བག་མེད་
D287.070.0046b07.01