完整藏文原文 · 德格版页 当前仅加载第 70 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པ་དུ་མར་གྱུར་པ་རྣམས་སྣོམ་པར་བྱེད་དོ། །ཡིད་ཀྱི་རྗེས་སུ་འཐུན་པའི་རེག་བྱ་འདོད་པར་གྱུར་པ་རྣམས་གང་དག་ཁོ་ན་ཡིན་པ་ལྷ་རྣམས་ཀྱིས་རེག་བྱ་རེག་པར་འདོད་པ་དེ་ཉིད་རྣམ་པ་དུ་མ་དང་མཆོག་ཏུ་བདེ་བའི་རྗེས་སུ་འཐུན་པ་རྣམས་ལ་རིག་པར་བྱེད་དོ། །ལྷ་སྒྲ་གང་དང་གང་དག་ཉན་པར་འདོད་
D287.070.0217a01.01པ་དེ་ཉིད་རྣམ་པར་རྟོག་པ་དུ་མ་དང་མཉམ་པར་དགའ་བའི་སྒྲ་དུ་མ་རྣམས་ཀྱིས་ཡིད་ཀྱི་རྗེས་སུ་འཐུན་པར་གྱུར་པའི་རྣམ་པར་རྟོག་པ་དུ་མས་ཉན་པར་བྱེད་དོ། །ལྷ་མཆོག་ཏུ་དགེ་བའི་ཚུལ་ཁྲིམས་ཀྱི་འབྲས་བུ་ལ་ཉེ་བར་ལོངས་སྤྱོད་པར་གྱུར་པས། ཡོན་ཏན་རྣམས་ཕུན་སུམ་ཚོགས་པར་གྱུར་པའི་ཡུལ་ལྔ་པོ་
D287.070.0217a02.01རྣམས་ལ་རྣམ་པར་སྤྱོད་དོ། །དེ་དག་དེ་ལྟར་རྣམ་པར་རྒྱུ་ཞིང་རྩེད་མོ་རྩེ་བ་ལ་བློས་ལྷུང་བར་གྱུར་པས་དུས་ཡུན་རིང་པོར་ཡུལ་གྱི་བདེ་བས་ངོམས་པ་མེད་པ་རྣམས་ཀྱིས། དེ་ནས་མངོན་པར་དགའ་བའི་ནགས་ཞེས་བྱ་བའི་ནགས་མཐོང་བར་གྱུར་པ་ལ་ཤིང་ལྗོན་པ་བརྒྱ་སྟོང་དུ་མ་དང་ལྡན་པ་ཉེ་འཁོར་ན་ཡང་ཉེ་
D287.070.0217a03.01བའི་ནགས་ཀྱིས་ཀུན་དུ་བརྒྱན་པའོ། །མངོན་པར་དགའ་བའི་ནགས་དེ་ན་ཡང་དགའ་བ་འདི་དག་རྣམས་ཡོད་དེ། དེ་དག་རྣམས་ནི་ཇི་ལྟར་སོ་སོ་ཐ་དད་པར་རྩ་བ་དང་ཡལ་ག་དང་ཡལ་ག་ཕྲ་མོ་དག་དང་ལྡན་པར་གྱུར་པ་ཡིན་ལ་དེ་ལ་ངོས་གཅིག་གི་ཉེ་འཁོར་ཀུན་ནས་མཆོག་ཏུ་དཀར་བ་དང་། མཆོག་
D287.070.0217a04.01ཏུ་དཀར་བར་སྣང་བར་འགྱུར་བས་གངས་ཀྱི་མདོག་དང་ཞད་འདྲ་བའི་ནགས་ནི་དངུལ་གྱི་ལྗོན་ཤིང་གི་ནགས་ཞེས་བྱ་བ་ཡིན་ཏེ། ཉེ་འཁོར་དེ་ནི་དེ་བཞིན་དུ་ཀུན་ཏུ་སྣང་བར་བྱེད་དོ། །ཇི་ལྟར་འཛམ་བུའི་གླིང་དུ་ཟླ་བ་རྒྱས་པར་གྱུར་པ་དེ་བཞིན་དུ་འོད་ཟེར་རྣམས་ཡིན་ནོ། །ནགས་དེར་གཏོགས་པའི་ཤིང་རེ་རེའི་འོད་ཀྱང་དེ་
D287.070.0217a05.01བཞིན་དུ་འགྱུར་ཏེ། ཡུལ་ཐམས་ཅད་ལས་ཀྱང་མཆོག་ཏུ་དགའ་བར་གྱུར་པ་དེས་མིག་སྔར་དགའ་བར་གྱུར་པའི་འོད་ཀྱིས་སྡུག་པ་འཛིན་པ་སྐྱེད་པའོ། །གཞན་ཡང་ལོགས་གཞན་ནི་ཀར་ཀེ་ཏ་ན་བཞིན་དུ་ཉེ་བར་མཛེས་པར་གྱུར་པ་སྟེ། མཆོག་ཏུ་དམར་བའི་ཚོགས་སུ་གྱུར་པ་འོད་དམར་པོ་རྣམས་ཀྱིས་རྣམ་པར་
D287.070.0217a06.01བརྒྱན་པ་འདབ་མ་དམར་པོ་རྣམས་ལ་བྱ་དམར་པོའི་ཚོགས་ཀྱིས་ཀུན་དུ་བརྗོད་པར་གྱུར་པས་མངོན་པར་དགའ་ཞིང་རྣམ་པར་སྣང་སྟེ་རྣམ་པར་རྟོག་པ་དུ་མར་གྱུར་པ་རྣམས་ཐམས་ཅད་ལས་མཆོག་ཏུ་དམར་བར་སྣང་བས་དམར་བར་གྱུར་པའི་ནགས་དེས་ནམ་མཁའ་རྣམ་པར་གསལ་བར་བྱེད་དོ། །རྟག་ཏུ་མངོན་པར་དགའ་
D287.070.0217a07.01