完整藏文原文 · 德格版页 当前仅加载第 70 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྣམས་ཐམས་ཅད་ཀྱིས། །ས་གཞི་འདི་ལ་ཞིང་ལས་བྱེད། །འདོད་ལ་ཆགས་པའི་མཁས་མིན་རྣམས། །འཆི་བ་ལེགས་པར་མཐོང་བ་མིན། །སྐད་ཅིག་སྐད་ཅིག་ལ་འགྲིབ་པ། །སྐྱེ་བོ་འདོད་པའི་བསམ་པས་རྨོངས། །སྐད་ཅིག་སྐད་ཅིག་ལ་
D287.070.0289a01.01ཟད་པའི། །འདུ་བྱེད་གོ་བ་ཡང་མ་ཡིན། །མི་རྣམས་ལང་ཚོ་མཐར་བྱེད་པའི། །རྒས་པའི་དབྱུག་པ་འདི་འབྱུང་ངོ་། །ནད་མེད་ལོ་ཐོག་འཇོམས་པ་ཡི། །ནད་ཀྱི་དབྱུག་པ་འདི་འབྱུང་ངོ་། །འཇིགས་པའི་དབྱུག་པ་འདི་གསུམ་གྱིས། །ལྷར་བཅས་ལྷ་མིན་འཇོམས་བྱེད་པ། །
D287.070.0289a02.01བྱིས་པའི་འཇིག་རྟེན་བླུན་པོ་འདིས། །འོང་བ་མཐོང་བ་ཡང་མ་ཡིན། །ལྷ་དང་ལྷ་མིན་དྲི་ཟ་དང་། །ཤ་ཟ་ཀླུ་དང་སྲིན་པོ་ལའང་། །གསོན་པ་མཐར་ནི་བྱེད་པའི་མཆོག །དུས་ཀྱི་དབྱུག་པ་འདི་འབྱུང་འགྱུར། །སྐྱེ་བོ་གཞན་ཡང་རབ་བཅོམ་ནས། །རང་གི་སྐྱེ་ལ་ཆགས་ཤིང་
D287.070.0289a03.01འཆུམས། །སྲིད་གཞན་འགྲོ་བས་སྐྱེ་གཏོང་ཡང་། །རྨོངས་པས་བཅིངས་པའི་སྐྱེ་བོ་རྣམས། །བུ་དང་ཚ་བོ་ཡང་ཚ་དང་། །མི་གང་དེ་ཡི་རིགས་གནས་པ། །དེ་དག་ཐམས་ཅད་མེད་གྱུར་ཀྱང་། །ཁྱོད་ནི་ཆགས་པས་འཆིང་བར་བྱེད། །དེ་ལྟར་སྤྲུལ་པ་དེ་དག་གིས་གཞན་
D287.070.0289a04.01ལ་ཕན་པ་བསྒྲུབ་པའི་ཕྱིར་དོན་དུ་ཚིགས་སུ་བཅད་པ་བརྗོད་པ་ཡིན་ནོ། །རང་བཞིན་གྱི་ལྷ་རྣམས་ཀྱིས་ཀྱང་ཐོས་ཤིང་ཐོས་པར་གྱུར་ནས་ཀྱང་ཡིད་ཀྱིས་འཐུན་པར་བྱེད་དོ། །ཡུལ་རྣམས་ལ་ཡང་ཤིན་ཏུ་བག་མེད་པར་ཡང་མི་འགྱུར་རོ། །དེ་ནས་གཞན་ཡང་རྫུ་འཕྲུལ་གཞན་
D287.070.0289a05.01ཤིན་ཏུ་དཀའ་བ་རྣམས་གཞན་ལ་ཕན་པ་ལ་རབ་ཏུ་ཞུགས་པའི་འཐབ་བྲལ་གྱི་མངའ་བདག་དེས་སྤྲུལ་པར་བྱེད་པ་རྣམས་ནི་འདི་ལྟ་སྟེ། ཡན་ལག་དང་ཉིང་ལག་རྣམས་ཐམས་ཅད་ལས་རྒྱན་དང་ཆ་བྱད་སྣ་ཚོགས་པ་དང་། རྣམ་པ་སྣ་ཚོགས་པའི་དབུ་རྒྱན་གྱིས་བརྒྱན་པ་རྣམས་ནི་ཁ་
D287.070.0289a06.01ཅིག་ཡིན་ནོ། །ཁ་ཅིག་ནི་ཁ་དོག་དུ་མ་རྣམས་དང་དབྱིབས་དུ་མ་རྣམས་དང་འགྲོ་བ་དུ་མ་རྣམས་དང་ལྡན་པའི་ལྷ་དང་དྲི་ཟ་དང་མི་དང་ཀླུ་དང་ལྷ་མ་ཡིན་དང་གཞན་དག་རྣམས་ཀྱང་སྟེ། རང་གི་སྐྱེ་བ་གཉུག་མར་གནས་པར་གྱུར་པའི་རྒྱན་དང་ཆ་བྱད་ཅན་རྣམས་ཀུན་དུ་འབྱུང་སྟེ། འཐབ་
D287.070.0289a07.01