完整藏文原文 · 德格版页 当前仅加载第 70 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ་ཡོན་ཏན་ཆེན་པོ་རྣམས་ཕུན་སུམ་ཚོགས་པར་གྱུར་པའི་ཡོན་ཏན་བདུན་དང་ལྡན་པའི་སྒྲ་དང་རེག་བྱ་དང་རོ་རྣམས་འདོད་པར་གྱུར་པ་ཀུན་ཏུ་རྟོག་པའི་ཡོན་ཏན་རྣམས་ཕུན་སུམ་ཚོགས་པ་རྣམས་དང་སྒྲའི་ཡོན་ཏན་ཕུན་སུམ་ཚོགས་པ་རྣམས་ཀྱང་ཀུན་ཏུ་མཐོང་ངོ་། །
D287.070.0224b01.01ཤིན་ཏུ་ཡིད་དུ་འོང་བའི་རི་དེའི་ཡོན་ཏན་དེ་དག་རྣམས་སྐྱེ་བོ་དག་གཏི་མུག་གིས་ལྷན་ཅིག་ཏུ་ཟིན་པར་གྱུར་པས་ཀྱང་ལྷ་དེ་དག་གིས་མཐོང་བ་ཡིན་ནོ། །དེ་ལྟར་ལྷ་དེ་དག་རྣམས་ལ་མ་དང་ཕ་དང་མཚུངས་པར་གྱུར་པའི་བྱ་དེ་དག་རྣམས་ཀྱིས་དེ་ཁོ་ན་དང་ཕན་པར་འགྱུར་བ་ཡང་
D287.070.0224b02.01མཐོང་ནས་བརྟགས་པར་གྱུར་པའི་ཚིག་རྣམས་སྟོན་པར་བྱེད་དོ། །ལྷ་དེ་དག་རྣམས་ཡུལ་གྱིས་ཁྲིད་པར་གྱུར་པས་ཀུན་ཏུ་རྟོག་པར་འགྱུར་བ་ཡང་མ་ཡིན་ནོ། །དེ་ལྟར་དེ་ཡུལ་རྣམས་ཀྱིས་རྣམ་པར་རྨོངས་པར་གྱུར་ནས་དེས་དེ་དག་རྣམས་མ་བརྩིས་པར་སླར་ཡང་ཡུལ་གྱི་
D287.070.0224b03.01དགའ་བ་རྣམས་སུ་བྱིང་བར་གྱུར་པས་སྲེད་པའི་དགོན་པ་རྒལ་བར་མི་ནུས་པ་གཞན་རྣམས་རྗེས་སུ་ཐོབ་པར་གྱུར་ནས་མཚོན་ཆ་རྣམས་ཀྱིས་བསྲེགས་པར་གྱུར་ཅིང་། དགའ་བའི་འདོད་ཆགས་ཀྱི་དགྲ་བོ་བརྒྱ་ཕྲག་ལྔས་རབ་ཏུ་རྣམ་པར་ཉམས་པར་འགྱུར་བ། དམ་པའི་ལམ་
D287.070.0224b04.01རྣམས་ལས་ཉམས་པ་བདེ་བ་དང་རྗེས་སུ་མི་འཐུན་པར་གྱུར་པའི་བདེ་བ་གང་ཡིན་པ་རྣམས་འབའ་ཞིག་གིས་ཀྱང་ཀུན་ཏུ་འཁྲིད་པར་གྱུར་པ་རྣམས་ཀྱིས་ཀུན་ནས་རིག་པ་ཡང་མ་ཡིན་ནོ། །དེ་ལ་ཕན་པར་གྱུར་པ་རྣམ་པ་དུ་མ་རྣམས་བརྗོད་པར་གྱུར་ཀྱང་། དེ་སླར་ཡང་གནས་
D287.070.0224b05.01གསུམ་དུ་གཏོགས་པའི་བྱ་གཞན་དག་རྣམས་ཀྱི་ཤིན་ཏུ་སྙན་པར་གྱུར་པའི་གླུ་དེ་དག་རྣམས་ཉན་པར་བྱེད་དོ། །འདི་ལྟ་སྟེ། ཆུ་ལ་ནི་ཆུ་ལ་རྒྱུ་བ་རྣམས་ལྷ་རྫས་ཀྱི་མདོག་དང་དབྱིབས་ལྡན་པ་རྣམས་རིན་པོ་ཆེ་བདུན་གྱིས་སྤྲས་པར་གྱུར་པའི་ལུས་ཐིག་ལེ་བཀྲ་བས་བྱས་པ་རྣམས་ལ་
D287.070.0224b06.01ངང་པ་དང་ཀཱ་རཎྜ་བ་དང་། ངང་ངུར་ལ་སོགས་པ་རྣམས་ལྷན་ཅིག་ཏུ་ཆུ་ལ་སྒྲ་ཀུན་ནས་གཅོད་པར་གྱུར་པས་འདྲེས་པ་རྣམས་ཉན་པར་བྱེད་དོ། །མཆོག་ཏུ་སྙན་པའི་གླུའི་སྒྲས་རྟག་ཏུ་གར་བྱེད་པར་གྱུར་ཅིང་དུས་ཐམས་ཅད་དུ་རྒྱགས་པའི་བདེ་བ་ཤིན་ཏུ་རྒྱ་ཆེན་པོ་དང་ལྡན་པས་
D287.070.0224b07.01