'phags pa dam pa'i chos dran pa nye bar gzhag pa/
当前为德格木刻版 231a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 231a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 70 函 · 德格 231a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བག་མེད་པས་ཀུན་དུ་ཁྲིད་པའི་ཕྱིར་ལྷ་སྐྱེས་ནས་ཡུན་རིང་དུ་ལོན་པ་རྣམས་ཀྱིས་ཀྱང་ཚིགས་སུ་བཅད་པའི་མིང་ཙམ་ཡང་ཐོས་པར་མི་འགྱུར་ན། གང་དག་སྐྱེས་པར་གྱུར་ནས་དུས་ཐུང་དུ་ལོན་པ་ཤིན་ཏུ་བག་མེད་པས་རྣམ་པར་རྒྱུ་བར་བྱེད་པའི་ལྷ་དེ་དག་རྣམས་ཀྱིས་དེ་བརྩི་བགྲང་མི་བྱེད་པ་ལ་ལྟ་ཅི་སྨོས། ཆེས་བག་མེད་པས་རྣམ་པར་རྒྱུ་བའི་ལྷ་དེ་དག་རྣམས་ཀྱིས་དེ་ལ་བརྩི་བགྲང་མ་བྱས་པར་བག་མེད་པའི་དུག་གི་ཤུགས་ཀྱིས་ཀུན་ཏུ་རྨོངས་པར་གྱུར་ནས་ཉེ་འཁོར་ཀུན་ན་རབ་ཏུ་གར་བྱེད་པར་གྱུར་པ་དང་ཆེས་རབ་ཏུ་དགའ་བར་གྱུར་པའི་ཡིད་
ཀྱིས་ནགས་གཞན་དག་གི་ས་གཞི་རྣམས་ལ་རབ་ཏུ་གར་དང་གླུ་དང་རྔ་སྒྲ་ལྷན་ཅིག་ཏུ་ཡུལ་རྣམས་ཀྱིས་རྒྱགས་པས་རྒྱགས་པར་གྱུར་པའི་ཡིད་ཅན་རྣམས་རང་གི་འོད་དང་ལྡན་པ་ཐམས་ཅད་ཀྱང་དགའ་བར་གྱུར་ནས་ལྷ་རྫས་ཀྱི་བདེ་བ་ལ་ལོངས་སྤྱོད་པ་གང་ན་རིའི་ཕྲེང་བ་ཞེས་བྱ་བའི་རི་བོ་དེར་ཉེ་བར་ལེགས་པར་འགྲོའོ། །རིའི་ཕྲེང་བ་ཞེས་བྱ་བའི་རི་བོ་དེ་ཡང་ཁམས་དུ་མ་དང་ལྡན་པར་རྣམ་པ་སྣ་ཚོགས་པའི་རིན་པོ་ཆེའི་འབྱུང་ཁུངས་རྣམས་ཀྱིས་རྣམ་པར་བརྒྱན་པར་གྱུར་པས་ཉེ་འཁོར་ཀུན་ཏུ་ཤིན་ཏུ་མཛེས་པར་བྱེད་དོ། །ཉི་མ་དམར་སེར་དང་འདྲ་བའི་
པད་མ་བརྒྱ་སྟོང་གིས་ཉེ་བར་མཛེས་པར་གྱུར་པའོ། །འབབ་ཆུ་བརྒྱ་སྟོང་བྱེ་བ་རྣམས་ཀྱིས་ཀྱང་ཉེ་བར་མཛེས་པར་གྱུར་པ་སྟེ། དགའ་བར་གྱུར་པའི་རི་བོ་རིའི་ཕྲེང་བ་དེའི་ལོགས་བཞི་ལ་གནས་པ་བཞི་ཡོད་དོ། །འདི་ལྟ་སྟེ་མཚོ་བརྒྱ་རབ་ཏུ་འབབ་པ་དང་། རབ་ཏུ་དང་བར་སྣང་བ་ཆེན་པོ་དང་རི་མཛེས་པ་དང་། རིའི་ཉེ་འཁོར་ཞེས་བྱ་བ་དང་ནགས་ཆེན་པོ་བཞི་པོ་དེ་དག་རྣམས་རིའི་ཕྲེང་བ་རི་བོའི་མཆོག་དེ་ལ་ཡོད་དོ། །མཚོ་བརྒྱ་འབབ་པ་ནི་དཔག་བསམ་གྱི་ཤིང་རྣམས་ཀྱིས་ཉེ་བར་མཛེས་པར་གྱུར་པའི་མཚོ་བྲན་བརྒྱ་སྟོང་ཡོད་དེ།
གསེར་དང་དངུལ་དང་ཨིན་དྲ་ནཱི་ལ་དང་ཀར་ཀེ་ཏ་ན་རྣམས་དང་མདོག་མཚུངས་པའི་ནོར་བུས་ཉེ་འཁོར་ཀུན་ཏུ་ཁྱབ་པར་གྱུར་པས་མཚོ་དེ་དག་རྣམས་རབ་ཏུ་གསལ་བར་གྱུར་པ་དང་རབ་ཏུ་དང་བར་གྱུར་པ་དངུ་ཆུ་གྲང་བར་གྱུར་པ་དང་ཇི་ལྟར་འདོད་པའི་ཆུ་ཡང་མཚོ་དེ་དག་འགྱུར་བ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 231a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。