完整藏文原文 · 德格版页 当前仅加载第 6 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིང་མོ་དག་འདི་ལྟར་གཟུགས་ནི་མི་རྟག་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མི་རྟག་པའོ་ཞེས་བྱ་བས་སོ། །དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་
D3.006.0257a01.01པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྲིང་མོ་དག་འདི་ལྟར་གཟུགས་ནི་མི་རྟག་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མི་རྟག་པའོ་ཞེས་ཚིག་ལྔས་ཆོས་བསྟན་པ་དང་། དེ་དག་གིས་སྨྲས་པ།
D3.006.0257a02.01འཕགས་པ་དག་ཡང་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་རེ་ཞིག་དེ་ཙམ་ཞིག་རྗེས་སུ་གནང་ངོ་། །དེ་དག་གིས་སྨྲས་པ། འཕགས་པ་དག་ལེགས་ཀྱིས་བདག་ཅག་ཀྱང་བསོད་སྙོམས་ཅུང་ཞིག་འབུལ་ལོ་ཞེས་ཟེར་བའི་སྐབས་
D3.006.0257a03.01དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚིག་དྲུག་གིས་ཆོས་བསྟན་པར་བྱ་སྟེ། སྲིང་མོ་དག་འདི་ལྟར་མིག་ནི་མི་རྟག་པའོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་མི་རྟག་
D3.006.0257a04.01པའོ་ཞེས་བྱ་བས་སོ། །དགེ་སློང་དག་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྲིང་མོ་དག་འདི་ལྟར་མིག་ནི་མི་རྟག་པའོ། །རྣ་བ་དང་། སྣ་དང་། ལྕེ་དང་། ལུས་
D3.006.0257a05.01དང་། ཡིད་ནི་མི་རྟག་པའོ་ཞེས་ཚིག་དྲུག་གིས་ཆོས་བསྟན་པ་དང་། དེ་དག་གིས་སྨྲས་པ། འཕགས་པ་དག་ཡང་ཆོས་བསྟན་དུ་གསོལ། སྲིང་མོ་དག་བཅོམ་ལྡན་འདས་ཀྱིས་རེ་ཞིག་དེ་ཙམ་ཞིག་རྗེས་སུ་གནང་ངོ་། །དེ་དག་གིས་སྨྲས་པ། འཕགས་པ་
D3.006.0257a06.01དག་ལེགས་ཀྱིས་བདག་ཅག་ཀྱང་བསོད་སྙོམས་ཆུང་ཞིག་འབུལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྐྱེས་པ་བཞག་སྟེ་ཇི་ཙམ་འདོད་པར་ཆོས་བསྟན་པར་བྱའོ། །དགེ་
D3.006.0257a07.01