完整藏文原文 · 德格版页 当前仅加载第 6 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་འཁོར་བཅུ་བཅུ་ཡོད་པས་ཁྱོད་ལ་སྙིང་བརྩེ་བའི་ཕྱིར་འོང་ངོ་། །སློབ་དཔོན་བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིས་ཏེ་སླད་ཀྱིས་མཆིའོ། །ཉེ་{དགའས་,དགས་}བསམས་པ། ལྷུང་བཟེད་ནག་པོ་ཅན་འགའ་ཞིག་གིས་འདི་མཐོང་ཞིང་
D3.006.0186a01.01དེ་ཐོས་ནས་དང་པོ་ཁོ་ནར་འགྲོ་བར་གྱུར་ན་མི་རུང་ངོ་སྙམ་ནས་སྨྲས་པ། རྒན་ཞུགས་ཁྱོད་ཀྱིས་ལྷ་ནི་ཡིད་ཀྱིས་བསྐོར་བ་ཡིན་གྱི་ལུས་ཀྱིས་བསྐོར་བ་མ་ཡིན་ནོ་ཞེས་བྱ་བ་མ་ཐོས་སམ། བཅོམ་ལྡན་འདས་ཀྱིས་ཀྱང་། ཆོས་རྣམས་ཡིད་ཀྱིས་འདྲེན་བྱེད་ཅིང་། །ཡིད་གཙོ་ཡིད་
D3.006.0186a02.01ཀྱི་འགྲོས་ཅན་ཡིན། །ཞེས་གསུངས་ཀྱིས། འདི་ཉིད་ནས་བཅོམ་ལྡན་འདས་ཀྱི་ཞབས་ལ་ཕྱག་འཚོལ་ཅིག་ཅེས་དེས་དེའི་གཉའ་བ་ནས་བཟུང་སྟེ་རྒན་ཞུགས་སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ་ཞེས་གྱིས་ཤིག་
D3.006.0186a03.01ཅེས་འདུད་དུ་བཅུག་གོ། །སློབ་དཔོན་སྐོམ་གྱིས་ཇི་སྐོམ་འཐུང་དུ་མཆིའོ། །འདི་ཉིད་དུ་སྡོད་ཅིག་དང་ཁོ་བོས་སྐོམ་གྱིས་ཕོར་བུ་བཀང་སྟེ་ཁྱེར་ཏེ་འོང་ངོ་ཞེས་དེས་སྐོམ་གྱིས་ཕོར་བུ་བཀང་སྟེ་བླུད་ནས་སྨྲས་པ། རྒན་ཞུགས་ད་སོང་ཤིག་ཅེས་དེས་དེ་ཐག་རིང་པོར་བསྐྱལ་ནས་ད་ཕྱིར་
D3.006.0186a04.01མ་ལྡོག་ཅིག་ཅེས་བསྒོ་སྟེ་བདག་ཉིད་ཕྱིར་ལོག་གོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གང་{ཆུང་ཟད་,ཅུང་ཟད་}ཅི་ཐོས་པ་དེ་ཕྱེ་མ་རེད་ཀྱི་དུས་ཀྱི་ཚེ་གཅིག་ཏུ་འདུས་ནས་ཕན་ཚུན་རྗོད་པར་བྱེད་པ་ཡིན་པས་ཉེ་དགའ་གཙུག་ལག་ཁང་དུ་སོང་སྟེ་དྲུག་སྡེ་རྣམས་ལ་སྨྲས་པ། ཚེ་དང་ལྡན་པ་
D3.006.0186a05.01དག་བདག་ཅག་གིས་ཡུན་ཇི་སྲིད་ཀྱིས་བྲེལ་བ་སྤང་བར་བྱ། ཁྱོད་ཀྱིས་ཐོས་པ་ཆུང་ཞིག་ཡོད་དམ། ཡོད་དེ། རི་བྲག་གི་གཙུག་ལག་ཁང་ག་གེ་མོ་ཞིག་ཏུ་བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་བཅུའི་དབྱར་ཟླ་བ་གསུམ་གྱི་བསོད་སྙོམས་
D3.006.0186a06.01དང་། བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་དང་། ན་བའི་རྐྱེན་དང་། སྨན་གྱི་ཡོ་བྱད་དག་རྙེད་པ་དང་ཆོས་གོས་ཀྱི་ཟོང་དག་ཕུལ་གྱིས་དེར་དོང་ངོ་། །ཅི་དེ་ཉིད་དུ་དབྱར་གནས་པར་བྱའམ། མི་བྱ་སྟེ། འདི་ལྟར་དབྱར་གྱི་ནང་ཉིད་དུ་དེ་དག་ཟོས་ཏེ་འདི་ཉིད་དུ་
D3.006.0186a07.01