完整藏文原文 · 德格版页 当前仅加载第 6 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་མ་ཉེས་ཀྱི་ཁོ་བོས་ཉེས་ཀྱིས་འདི་སྐྱེད་ཅིག་དང་འདི་ལ་ཁོ་བོས་དུས་ཤེས་པར་བྱའོ། །དེས་དེ་བསྙོད་པར་བརྩམས་པ་དང་། བྲམ་ཟེས་ཀྱང་བྲམ་ཟེ་མོ་ལ་སྨྲས་པ། གང་གི་ཚེ་ཁོ་བོ་དེ་ལྟར་ན་བར་གྱུར་པ་ན་ཁྱོད་དང་བུས་ཡལ་བར་བོར་བ་དེའི་ཚེ་ན་བུ་མོ་འདིས་སྨན་དང་གཡོག་
D3.006.0030b01.01གིས་ལེགས་པར་གསོས་པར་ཁོ་བོས་ཤེས་ཀྱིས། དེའི་ཕྱིར་གལ་ཏེ་འདི་ལ་མཁོ་བ་སྟོབས་པར་བྱེད་ན་དེ་ལྟ་ན་ལེགས། གལ་ཏེ་མི་བྱེད་ན་ཁོ་བོས་འདི་ཁྱིམ་བདག་མོར་གཞག་ཅིང་ཁྱོད་འདིའི་བྲན་མོར་བསྐོའོ། །བྲམ་ཟེ་མོ་དེ་སྐྲག་སྟེ་བསམས་པ། བྲམ་ཟེ་འདི་གཏུམ་པས་
D3.006.0030b02.01གལ་ཏེ་དེ་ལྟར་མ་བྱས་ན་དེ་ལྟ་བྱེད་པར་འགྱུར་བའི་གནས་ཡོད་དོ་སྙམ་དུ་རིག་ནས་དེས་སྨྲས་པ། བྲམ་ཟེ་ཁྱོད་ཀྱིས་བུ་མོ་མངག་གཞུག་མ་ལ་དགའ་མགུར་སྤྱད་པ་དང་། ཁྱེའུ་འདི་ཁྱོད་ཀྱི་སྲས་ལགས་པར་ཡང་བདག་གིས་མ་འཚལ་ཏེ་ད་སླན་ཅད་ཅུང་ཟད་ཀྱང་ཐོ་འཚམ་
D3.006.0030b03.01པར་མི་བྱེད་དོ། །ཁྱེའུ་དེ་ཆོལ་ཟངས་སུ་བཅུག་པས་དེའི་མིང་ཆོལ་ཟངས་པ་ཞེས་བྱ་བར་ཆགས་སོ། །བྲམ་ཟེ་དེ་ཆོལ་ཟངས་པ་ལ་འདིའི་མས་བདག་གི་གཡོག་བྱས་ཤིང་འདི་ཡང་བདག་ལས་བྱུང་བ་ཡིན་ནོ་སྙམ་པས་ཤིན་ཏུ་བྱམས་པ་དང་ལྡན་པར་གྱུར་ཏེ། དེ་དེ་དང་ལྷན་
D3.006.0030b04.01ཅིག་གཅིག་ཏུ་ཟ་ཞིང་གང་དུ་མགྲོན་དུ་བོས་པར་འགྲོ་བ་དེར་ཡང་དེ་དང་ལྷན་ཅིག་འགྲོའོ། །ཇི་ཙམ་དུས་གཞན་ཞིག་ན་བྲམ་ཟེ་དེ་ཡང་ན་བར་གྱུར་ནས་དེ་རྩ་བ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་དག་གིས་གསོ་བར་བྱེད་དེ། གསོ་
D3.006.0030b05.01བར་བྱེད་པ་ན་ནད་ན་བ་ཁོ་ནར་གྱུར་ནས་གང་གི་ཚེ་དེ་འཆི་བ་ལ་ཐུག་པའི་ཚོར་བ་བྱུང་ཞིང་རིང་པོ་མི་ཐོགས་པར་དུས་བྱེད་པར་འགྱུར་བ་དེའི་ཚེ་ན་དེས་བུ་ཐུ་བོ་ཉི་ཟླ་བཀུག་སྟེ་སྨྲས་པ། བུ་ཁོ་བོ་འདས་ནས་ཁྱོད་ནི་མྱ་ངན་བྱ་བ་མ་ཡིན་གྱི། ཁྱོད་ཀྱི་ནུ་བོ་ཆོལ་ཟངས་པ་འདི་མྱ་ངན་བྱ་
D3.006.0030b06.01བར་འགྱུར་བས་ཁྱོད་ཀྱིས་འདི་ལ་མཁོ་བ་བསྟབས་པར་བྱའོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དེ་
D3.006.0030b07.01