完整藏文原文 · 德格版页 当前仅加载第 6 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་སྨྲས་པ། སྲིང་མོ་དག་ཁྱེད་ཅག་ལ་དགེ་བའི་ཆོས་ཡང་དག་པར་བླངས་ཏེ་འཇུག་པར་བྱ་བ་ཅུང་ཟད་ཡོད་དམ། འཕགས་པ་ཅི་ཡང་མ་མཆིས་སོ། །སྲིང་མོ་དག་མ་ལེགས་སོ། །བུ་མོ་འདིས་ནི་རེ་ཞིག་དགེ་བའི་ཆོས་གཉིས་བྱས་ཤིང་བསགས་ཏེ། འདིས་ཁོ་བོ་ལ་སེམས་
D3.006.0167b01.01མངོན་པར་དད་པར་བྱས་པ་གང་ཡིན་པ་དེས་ནི་འདིས་ཕྱུག་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །འདིས་ཁོ་བོ་ལ་མངོན་དུ་ལྡང་བ་བྱས་ཤིང་སྟན་བཏིང་བ་དང་། ཕྱག་བྱས་པ་གང་ཡིན་པ་དེས་ནི་འདིས་རིགས་མཐོན་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །
D3.006.0167b02.01གལ་ཏེ་ཅུང་ཟད་སྦྱིན་པར་བྱེད་ན་དེ་ནི་འདིའི་ལོངས་སྤྱོད་ཆེན་པོར་འགྱུར་བ་ཡིན་ནོ། །སྲིང་མོ་དག་ཁྱེད་ཅག་གི་འཚོ་ཚིས་དག་ག་ལས་འབྱུང་། འཕགས་པ་སྒྱུར་བ་འདི་ཉིད་ལས་སོ། །གོས་དག་ག་ལས་འབྱུང་། སྒྱུར་བ་འདི་ཉིད་ལས་སོ། །ཁྱེད་ཅག་གིས་འཇིག་རྟེན་ཕ་རོལ་
D3.006.0167b03.01ཏུ་འགྲོ་བའི་ལམ་རྒྱགས་ཅུང་ཟད་ཁྱེར་བ་ཡོད་དམ། འཕགས་པ་དེ་ནི་ཐམས་ཅད་ཀྱི་ཐམས་ཅད་དུ་མ་མཆིས་སོ་སྲིང་མོ་དག་མ་ལེགས་སོ་མ་ལེགས་སོ། །འཕགས་པ་སུ་ལ་ཐུགས་ངན་མཛད། ཁྱེད་ཅག་ལ་སྟེ། ཁྱེད་ཅག་འཇིག་རྟེན་ཕ་རོལ་ནས་ཀྱང་བཅོམ་ཞིང་འདིར་འོངས་
D3.006.0167b04.01ལ། འདི་ནས་བཅོམ་བཞིན་དུ་འཇིག་རྟེན་ཕ་རོལ་ཏུ་འགྲོ་བར་བྱེད་དོ། །འཕགས་པ་གང་གིས་བདག་ཅག་གིས་འཇིག་རྟེན་ཕ་རོལ་ཏུ་མཆི་བའི་ཤུལ་རྒྱགས་ཅུང་ཟད་བསྐུར་བའི་ཐབས་ཅི་མཆིས། སྲིང་མོ་དག་གལ་ཏེ་ཁྱེད་ཀྱིས་དགེ་སྦྱོང་ཤཱཀྱའི་རིགས་ལས་རབ་ཏུ་བྱུང་
D3.006.0167b05.01བ་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་། གྲོལ་བའི་སྤོབས་པ་དང་ལྡན་པ་གང་ཡིན་པ་དེ་ལ་རས་ཡུག་ཆེན་བསྐོན་ན་དེས་ཁྱེད་ཅག་གིས་འཇིག་རྟེན་ཕ་རོལ་ཏུ་འགྲོ་བའི་ལམ་རྒྱགས་མང་པོ་ཁྱེར་བར་འགྱུར་རོ། །འཕགས་པ་བདག་ཅག་གིས་དགེ་སློང་
D3.006.0167b06.01དེ་ལྟ་བུ་ག་ལས་རྙེད། སྲིང་མོ་དག་ཁྱེད་ཀྱིས་ཁོ་བོ་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིགས་པ་དང་གྲོལ་བའི་སྤོབས་པ་དང་ལྡན་པ་ཡིན་པར་མི་ཤེས་སམ། འཕགས་པ་བདག་ཅག་ལ་རས་ཡུག་ཆེན་གྱི་འབྱོར་པ་ག་ལས་མཆིས། སྲིང་
D3.006.0167b07.01