完整藏文原文 · 德格版页 当前仅加载第 6 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
པའམ། གཙུག་ལག་ཁང་དུའོ་ཞེས་བརྗོད་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་འོང་ངམ་ཞེས་འདྲི་ན་འོང་ངོ་ཞེས་བརྗོད་པར་བྱའོ། །གལ་ཏེ་ཡུན་ཇི་ཙམ་ན་འོང་ཞེས་འདྲི་ན་ཞག་བདུན་འདས་ནས་སོ་ཞེས་བརྗོད་པར་བྱའོ། །ཚེ་དང་ལྡན་པ་འཆར་ཀས་བཅོམ་ལྡན་
D3.006.0070b01.01འདས་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །འཆར་ཀ་འོང་བའི་ཚེ་མཉན་ཡོད་དུ་ཉི་མ་མང་པོ་དག་གིས་ཕྱིན་ན་ཕྱིར་འགྲོ་བའི་ཚེ་འདི་ལྟ་
D3.006.0070b02.01སྟེ། སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་ཉི་མ་གཅིག་གིས་སེར་སྐྱའི་གནས་སུ་ཕྱིན་ཏོ། །དེ་ནས་ཚེ་དང་ལྡན་པ་འཆར་ཀ་རྒྱལ་པོ་ཟས་གཙང་གི་ཕོ་བྲང་ག་ལ་བ་དེར་སོང་སྟེ་ཕྱིན་ནས་མི་སྒོ་བ་བོས་ཏེ་སྨྲས་པ། ཀྱེ་ནང་རྗེ་ཁྱོད་སོང་ལ་རྒྱལ་པོ་ལ་
D3.006.0070b03.01ཤཱཀྱའི་དགེ་སློང་འོངས་སོ་ཞེས་སྦྲོན་ཅིག །དེས་སྨྲས་པ། ཤཱཀྱའི་དགེ་སློང་གཞན་དག་ཀྱང་མཆིས་སམ། འཆར་ཀས་སྨྲས་པ། ཤཱཀྱའི་དགེ་སློང་གཞན་དག་ཀྱང་ཡོད་དོ། །སྒོ་བས་རྒྱལ་པོ་ལ་སྦྲན་པ་དང་། རྒྱལ་པོས་སྨྲས་པ། ཤཱཀྱ་འཇུག་ཏུ་ཆུག་ཤིག །སུ་ཞིག་
D3.006.0070b04.01ཤཱཀྱ་ཟློག་པར་བྱེད། དེ་ནས་ཚེ་དང་ལྡན་པ་འཆར་ཀ་སྒོ་བས་ངོ་ཤེས་ནས་རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ཁྱོད་ལ་བཅོམ་ལྡན་འདས་ཨ་རོག་གྱ་ཞེས་གསུང་ངོ་། །རྒྱལ་པོ་ཟས་གཙང་གིས་
D3.006.0070b05.01འཆར་ཀ་སྐད་ལས་ངོ་ཤེས་ནས་སྨྲས་པ། ཁྱོད་འཆར་ཀ་ཡིན་ནམ། ལྷ་བདག་སྐྱེ་བོས་དེ་ལྟར་འཚལ་ཏོ། །རྒྱལ་པོས་སྨྲས་པ། གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ནམ། ལྷ་ཆ་ལུགས་འདི་འདྲ་བ་ཉིད་ལགས་སོ། །རྒྱལ་པོ་སེང་གེའི་
D3.006.0070b06.01ཁྲི་ལས་བརྒྱལ་ཏེ་ས་ལ་ལྷུང་ནས་ཆུས་དབང་བསྐུར་བས་སྲོག་ཕྱིར་འོངས་ནས་དྲིས་པ། གཞོན་ནུ་དོན་ཐམས་ཅད་གྲུབ་པ་འོང་ངམ། ལྷ་མཆིའོ། །ཡུན་ཇི་ཙམ་ན་འོང་། དགུང་བདུན་འདས་ནས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་དེང་ལ་རྒྱལ་
D3.006.0070b07.01