完整藏文原文 · 德格版页 当前仅加载第 6 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་རིགས་ཀྱི་བུ་དག་གོ། །དགེ་སློང་རྣམས་ཀྱིས་བསམས་པ། རི་བྲགས་ནས་སྐྱེ་བོའི་ཚོགས་དག་ཆོས་ཉན་དུ་ལྷགས་གོར་མ་ཆག་གིས་སྒོ་དབྱེའོ་སྙམ་ནས། དེ་དག་གིས་སྒོ་ཕྱེ་བ་དང་དེ་དག་ཞུགས་སོ། །ཇི་ཙམ་ན་གཞོམ་པར་བརྩམས་པ་དང་། དགེ་སློང་
D3.006.0199b01.01རྣམས་ཀྱིས་སྨྲས་པ། ཤེས་ལྡན་དག་ཁྱེད་ཅག་ན་རེ་བདག་ཅག་རིགས་ཀྱི་བུ་དག་གོ་ཞེས་ཟེར་ན། ད་ངེད་ཅག་འཇོམས་པར་བྱེད་དམ། དེ་དག་གིས་སྨྲས་པ། འཕགས་པ་དག་བདག་ཅག་ལ་མིང་གཉིས་མཆིས་ཏེ། སླད་རོལ་དུ་ནི་རིགས་ཀྱི་བུ་དག་ཅེས་བགྱི་ལ།
D3.006.0199b02.01ནང་དུ་ནི་ཆོམ་རྐུན་པ་དག་ཅེས་བགྱིའོ། །ཁྱེད་ཅག་གི་མིང་འདོགས་པར་བྱེད་པ་ནི་ཉམས་སོ། །གཡོན་ཅན་དེ་དག་གིས་དགེ་སློང་དེ་དག་བཅོམ་སྟེ་དོང་ནས་དགེ་སློང་བཅོམ་པ་དེ་དག་གིས་གྲོས་བྱས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྷག་མ་དང་བཅས་
D3.006.0199b03.01པར་གཞོམ་པར་བྱའོ་ཞེས་གསུངས་པས། རེ་ཞིག་ཁྱིམ་བདག་འདི་ཕྱོགས་བཞིའི་དགེ་སློང་གི་དགེ་འདུན་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་མཉན་ཡོད་ཉིད་དུ་དོང་ན་དེར་བདག་ཅག་ལ་ཚངས་པ་མཚུངས་པར་སྤྱོད་
D3.006.0199b04.01པ་དག་གིས་ཆོས་གོས་དག་གིས་མི་ཕོངས་པར་བྱེད་པར་འགྱུར་རོ་ཞེས་གྲོས་བྱས་སོ། །ཇི་ལྟར་འདོང་བར་བྱ། མཚན་མོ་འགེབས་པས་འདོང་ཞིང་ཉིན་མོ་ཐིབས་པོར་ཞུགས་ཏེ་འགྲོ་བར་བྱའོ་ཞེས་དེ་དག་གིས་ཁྱིམ་བདག་ལ་ཡང་མ་བལྟས་པར་དོང་ངོ་། །ཇི་ཙམ་
D3.006.0199b05.01ན་མཐར་གྱིས་མཉན་ཡོད་དུ་ཕྱིན་པ་དང་དགེ་སློང་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པ་དེ་དག་གིས་དགེ་སློང་དེ་དག་སྒྲེན་མོར་སྒོའི་གམ་ཡོ་ན་རྒྱུ་བ་མཐོང་ནས་སྨྲས་པ། གཅེར་བུ་སྒྲེ་བྱི་དག་ཁྱེད་ཅག་འདིར་ཅི་འདོད་འདི་ཁྱེད་
D3.006.0199b06.01ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གཅེར་བུ་དག་མ་ཡིན་ནོ། །འོ་ན་ཁྱེད་སུ་ཡིན། དགེ་སློང་དག་གོ། །འདི་ལྟ་བུ་དག་དགེ་སློང་ཡིན་ནམ། གང་དག་ཆོམ་རྐུན་པ་དག་
D3.006.0199b07.01