完整藏文原文 · 德格版页 当前仅加载第 6 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཅིའི་ཕྱིར་བྲམ་ཟེ་གསད་པར་བྱ་སྙམ་ནས་དེ་བཏང་སྙོམས་སུ་བཞག་གོ། །དེ་ནས་འཆར་ཀ་འདི་སྙམ་དུ་སེམས་ཏེ། བདག་སྦེད་པས་འཕྲིགས་སོ་སྙམ་དུ་རིག་ནས་སྐྲག་སྟེ་ཁྱིམ་ནས་བྱུང་ཞིང་གཞན་ན་འདུག་པ་དང་། སྦེད་པས་སྨྲས་པ། འཆར་ཀ་ཁྱོད་ཅིའི་ཕྱིར་རང་
D3.006.0066b01.01གི་ཁྱིམ་སྤངས་ཏེ་གཞན་ན་འདུག་ཚུར་ཤོག །འདི་ཁྱོད་རང་གི་ཁྱིམ་ཡིན་གྱིས་ཅི་བདེར་འདུག་ཤིག །དེ་ནས་འཆར་ཀ་འདི་སྙམ་དུ་སེམས་ཏེ། དོན་གྱིས་ན་འདིས་བདག་ལ་རྗེས་སུ་གནང་ངོ་སྙམ་དུ་རིག་ནས་དེ་ཉིད་ན་འདུག་གོ།། །།འདུལ་བ་རྣམ་པར་
D3.006.0066b02.01འབྱེད་པ། བམ་པོ་ཉི་ཤུ་བདུན་པ། དེ་ནས་དུས་གཞན་ཞིག་ན་བློན་པོའི་མཆོག་སྦེད་པ་དུས་ལ་བབ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དེ་ལ་བུ་མེད་པའི་ཕྱིར་ནོར་ཐམས་ཅད་རང་གི་མཛོད་དང་བང་བར་བཅུག་གོ། །སྦེད་མས་འཆར་ཀ་ལ་གང་གི་ཚེ་
D3.006.0066b03.01བདག་གི་ཁྱིམ་ཐབ་གསོན་ཞིང་འདུག་སྟེ་འཚོ་ཞིང་སྡོད་པ་དེའི་ཚེ་ན་ཁྱོད་རྟག་པ་ཁོ་ནར་བྱོན་ནད་དེའི་དུས་ལ་བབ་སྟེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀྱང་བུ་མ་མཆིས་པའི་སླད་དུ་ནོར་ཐམས་ཅད་རང་གི་མཛོད་དང་བང་བར་སྩལ་ན། ད་ཁྱོད་ཀྱིས་བཀའ་མཆིད་ཙམ་
D3.006.0066b04.01ཡང་མི་སྤྲིང་ངམ་ཞེས་ཡི་གེ་སྤྲིང་ངོ་། །དེ་ནས་འཆར་ཀ་སྤྲིང་ཡིག་གི་དོན་ཐོས་ནས་འདི་སྙམ་དུ་སེམས་ཏེ། གལ་ཏེ་བདག་དེར་སོང་བར་གྱུར་ན་གཞི་དེ་ལས་འཆར་ཀ་བུད་མེད་ལ་ཆགས་པ་བུད་མེད་ཀྱི་ཕྱིར་དེར་སོང་ངོ་ཞེས་གཞན་དག་ཁ་ཟེར་བར་འགྱུར་གྱིས་བདག་གིས་
D3.006.0066b05.01ཐབས་ཀྱི་རྣམ་པ་ཞིག་བྱའོ་སྙམ་ནས་དེས་ལན་གཉིས་སམ་གསུམ་དུ་རྒྱལ་པོའི་བྱ་བ་དག་དང་། རྒྱལ་པོའི་བྱེད་པ་དག་བྱས་ནས་རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །ལྷ་གང་གི་ཚེ་གཞོན་ནུ་དོན་ཐམས་ཅད་གྲུབ་
D3.006.0066b06.01པ་བལྟམས་པ་དེའི་ཚེ་ན་ཉི་འོག་གི་ཁམས་ཀྱི་རྒྱལ་པོ་ཐམས་ཅད་འདུད་ཅིང་ཐམས་ཅད་ཀྱིས་ཕོ་ཉ་དང་། དཀོར་སྒྲོམ་དག་གསོལ་ནས། གང་གི་ཚེ་གཞོན་ནུ་དོན་ཐམས་ཅད་གྲུབ་པ་རྒན་པོ་དང་། ནད་པ་དང་། གུམ་པ་གཟིགས་ནས་ཐུགས་བྱུང་སྟེ་ནགས་སུ་གཤེགས་པ་
D3.006.0066b07.01