完整藏文原文 · 德格版页 当前仅加载第 6 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་པ་དང་རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་
D3.006.0087b01.01མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་དྲུག་སྡེ་དག་ཚེ་དང་ལྡན་པ་ཉེ་སྡེ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་སྡེ་ཇེ་སྐབས་ཕྱེ་ཤིག །ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །ཁྱོད་ལ་
D3.006.0087b02.01ལྟུང་བ་བྱུང་བ་དེ་ཆོས་བཞིན་དུ་སླར་གྱིས་ཤིག །ལྟུང་བ་མ་མཐོང་ངོ་། །ཁྱོད་ཀྱིས་དགེ་འདུན་གྱི་ཁྲིམས་སུ་བྱ་བ་མ་དྲལ་ཏམ། དགེ་འདུན་གྱི་ཁྲིམས་སུ་བྱ་བ་ཇི་ལྟ་བུ་ཡིན། དྲུག་སྡེ་དག་གིས་སྐབས་དེ་རྒྱས་པར་བརྗོད་པ་དང་། ཚེ་དང་ལྡན་པ་ཉེ་སྡེས་དྲུག་སྡེ་དག་ལ་འདི་
D3.006.0087b03.01སྐད་ཅེས་སྨྲས་སོ། །ཚེ་དང་ལྡན་པ་དག་བཅོམ་ལྡན་འདས་ཀྱིས་ཉེ་སྡེ་དེ་ལྟ་མོད་ཀྱི་ངས་དགེ་སློང་དགོན་པ་པ་ལ་དགོན་པ་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་དགོན་པ་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་ལྟར་འགྲོ་བའི་དུས་མ་ཡིན་པ་མེད་དོ། །
D3.006.0087b04.01དགེ་སློང་བསོད་སྙོམས་པ་དང་། རྙེད་པས་ཆོག་པའི་བསོད་སྙོམས་པ་དང་། ཟས་ཕྱིས་མི་ལེན་པ་དང་། སྟན་གཅིག་པ་དང་། ཆོས་གོས་གསུམ་པ་དང་། ཕྱིང་བ་པ་དང་། ཕྱག་དར་ཁྲོད་པ་དང་། ཤིང་དྲུང་པ་དང་། དུར་ཁྲོད་པ་དང་། ཅོག་པུ་པ་དང་། བླ་གབ་
D3.006.0087b05.01མེད་པ་དང་། གཞི་ཇི་བཞིན་པ་ལ་གཞི་ཇི་བཞིན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ་ཞེས་གསུངས་སོ། །དེ་ནས་ཤཱཀྱ་རབ་ཏུ་བྱུང་བ་དེ་དག་འདི་སྙམ་དུ་
D3.006.0087b06.01སེམས་ཏེ། དེ་ལྟར་བཅོམ་ལྡན་འདས་ཀྱིས་འདོད་པ་ཆེ་བ་རྣམ་པར་སྨད་ཅིང་། འདོད་པ་ཆུང་བ་ལ་བསྟོད་པ་ནི་དོན་གྱིས་ན་བཅོམ་ལྡན་འདས་ཀྱིས་བདག་ཅག་སྨད་པ་མཛད་པ་ཡིན་གྱིས་བདག་ཅག་གིས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་
D3.006.0087b07.01