完整藏文原文 · 德格版页 当前仅加载第 6 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བསྙེན་པ་དགེ་སློང་མའི་དངོས་པོ་རྗེས་སུ་གནང་བ་གང་ཡིན་པ་དེ་ཐམས་ཅད་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལས་བརྟེན་པ་ཡིན་ལ། བཅོམ་ལྡན་འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི་བསོད་ནམས་མང་དུ་སྐྱེད་པར་བྱེད་དོ། །ཞེས་གསུངས་ཀྱིས། ཁྱེད་ཅག་
D3.006.0188b01.01ཀྱང་རེ་ཞིག་མི་རྟག་པ་ཉིད་ཡིད་ལ་བྱ་བ་སྒོམས་ཤིག་ཅེས་འདོམས་པར་བྱེད་ཅིང་། དེ་དག་ཀྱང་མི་རྟག་པ་ཉིད་ཡིད་ལ་བྱ་བ་སྒོམ་པར་རྩོམ་མོ། །གང་གི་ཚེ་ཆོས་བྱིན་གྱི་འཁོར་རྣམ་པར་ལངས་པར་གྱུར་པ་དེའི་ཚེ་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཡང་རང་གི་འཁོར་ལ་ནུ་མོ་དག་
D3.006.0188b02.01བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱོད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་དེ་བླ་ན་མེད་པའི་མཁྱེན་པ་ཐུགས་སུ་ཆུད་པ་གང་ཡིན་པ་དེ་ཐམས་ཅད་སེམས་ཅན་ལ་ཕན་པའི་རྒྱུ་ཡིན་ལ། བཅོམ་ལྡན་
D3.006.0188b03.01འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི་བསོད་ནམས་མང་པོ་སྐྱེད་པར་བྱེད་དོ་ཞེས་གསུངས་ཀྱིས། ཁྱེད་ཅག་ཀྱང་རེ་ཞིག་མི་རྟག་པ་ཉིད་དང་ལྡན་པའི་མདོ་སྡེའི་མཐའ་དག་ཁ་ཏོན་གྱིས་ཤིག་ཅེས་འདོམས་པར་བྱེད་ཅིང་། དེ་དག་ཀྱང་མི་རྟག་པ་ཉིད་དང་ལྡན་པའི་
D3.006.0188b04.01མདོ་སྡེའི་མཐའ་དག་ཁ་ཏོན་དུ་བྱེད་པར་རྩོམ་མོ། །དགེ་སློང་མ་དག་དེ་ལྟར་ཕན་ཚུན་སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ། ཆུ་མེད་པ་ནས་ཨུཏྤ་ལ་བཞིན་ནོ། །ཆོས་བྱིན་ལ་དགེ་བསྙེན་ས་ག་ཞེས་བྱ་བ་མངོན་པར་དད་པས་དེས་ཡོ་བྱད་ཐམས་ཅད་
D3.006.0188b05.01ཀྱིས་དེ་མགྲོན་དུ་བོས་སོ། །དུས་གཞན་ཞིག་ན་དགེ་བསྙེན་ས་ག་ཆོས་བྱིན་གྱི་རྐང་པ་ལ་ཕྱག་འཚལ་དུ་འོངས་པ་དང་། ཆོས་བྱིན་གྱིས་དེ་ལ་སྨྲས་པ། བཞིན་{བཟངས་,བཟང་}དགེ་སློང་མ་རབ་ཏུ་མང་པོ་དག་དབྱར་ཁང་གཅིག་ཏུ་གནས་པར་ཁས་བླངས་པས་དེ་དག་ཕན་ཚུན་
D3.006.0188b06.01སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ་ཆུ་མེད་པ་ནས་ཨུཏྤ་ལ་བཞིན་དུ་གྱུར་ན་ཁྱོད་ཀྱིས་དགེ་སློང་མའི་དགེ་འདུན་གྱི་ཕྱིར་དབྱར་ཁང་བྱེད་དུ་འཇུད་ནུས་སམ། དེས་སྨྲས་པ། འཕགས་མ་བདག་ལ་ཀཱར་ཥཱ་པ་ཎ་དག་ནི་མཆིས་ནས་གཞི་རྒྱལ་པོ་དབང་
D3.006.0188b07.01