完整藏文原文 · 德格版页 当前仅加载第 6 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
རགས་ལྷག་པ་དག་ཚེ་དང་ལྡན་པ་ཀུན་དགའ་བོ་ལ་བཏང་སྟེ་རྒྱུད་དག་པས་བཅོམ་ལྡན་འདས་ག་ལ་བ་དེར་འདོང་ངོ་སྙམ་མོ། །དེ་ནས་དགེ་སློང་དེ་དག་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ཁྱེར་ཏེ་ཚེ་དང་ལྡན་པ་ཀུན་དགའ་
D3.006.0088a01.01བོ་ག་ལ་བ་དེར་དོང་ནས་ཕྱིན་པ་དང་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཐུགས་བརྩེ་བའི་སླད་དུ་བདག་ཅག་ལས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་འདི་དག་བཞེས་ཤིག །ཚེ་
D3.006.0088a02.01དང་ལྡན་པ་དག་དེའི་ཕྱིར་བདག་གིས་བཅོམ་ལྡན་འདས་ལ་ཞུས་དེའི་བར་དུ་སྡོད་ཅིག །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་
D3.006.0088a03.01གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དེའི་ཕྱིར་ལོང་ལ་བླངས་ནས་ཀྱང་གཙུག་ལག་ཁང་ཆེན་པོ་ཞིག་ཏུ་
D3.006.0088a04.01སྤུངས་ཏེ་ཞོག་ལ་དགེ་སློང་གང་དེས་བྲེལ་བའི་དགེ་སློང་དེ་ལ་དེ་སྦྱིན་པར་བྱའོ། །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཤཱཀྱ་རབ་ཏུ་བྱུང་བ་རྣམས་ལས་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་
D3.006.0088a05.01བུ་དང་། སྐ་རགས་ལྷག་པ་དག་བླངས་ནས་གཙུག་ལག་ཁང་ཆེན་པོ་ཞིག་ཏུ་སྤུངས་ཏེ་བཞག་གོ། །དེ་ནས་ཤཱཀྱ་རབ་ཏུ་བྱུང་བ་དེ་དག་ལྷུང་བཟེད་དང་། ཆོས་གོས་དང་། དྲ་བ་དང་། ཕོར་བུ་དང་། སྐ་རགས་ལྷག་པ་དག་ནད་ཇི་ལྟ་བ་དང་། འབྲས་ཇི་ལྟ་བ་དང་།
D3.006.0088a06.01ཟུག་རྔུ་ཇི་ལྟ་བ་བཞིན་དུ་སྤངས་ནས་ཆོས་གོས་གསུམ་པ་ལྷུར་ལེན་ཅིང་རྒྱུད་དག་པ་དང་། ཡོ་བྱད་བསྙུངས་པའི་ཚུལ་དག་གིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །
D3.006.0088a07.01