完整藏文原文 · 德格版页 当前仅加载第 6 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་གཉིས་མཐོང་ནས་དེ་དག་གིས་དེ་གཉིས་ལ་སྨྲས་པ། འཕགས་པ་གཉིས་དགེ་སློང་དག་གར་དོང་། དེ་གཉིས་ཀྱིས་སྨྲས་པ། བཞིན་{བཟངས་,བཟང་}དག་འདི་ན་དགེ་སློང་དག་མི་འཁོད་དོ་ཇིའི་སླད་དུ། ཁྱིམ་བདག་གང་གིས་གཙུག་ལག་ཁང་འདི་བྱེད་དུ་བཅུག་པ་དེས་དགེ་
D3.006.0184b01.01སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་བསྟབས་པར་བྱས་པར་གྱུར་ཏེ་དུས་ཀྱི་ཆོས་དང་ལྡན་པར་གྱུར་ནས་དགེ་སློང་རྣམས་ཀྱིས་དེ་ལ་བུ་ཞིག་ཡོད་པ་དེའི་གན་དུ་སོང་སྟེ་བཞིན་{བཟངས་,བཟང་}ཁྱོད་ཀྱི་ཕས་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་
D3.006.0184b02.01ལ་སོགས་པ་མཁོ་བ་བསྟབས་པར་བྱས་པར་གྱུར་ན་ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་སྟོབས་པར་བྱེད་ནུས་སམ་ཞེས་སྨྲས་ན། དེ་ན་རེ་འཕགས་པ་དག་ལ་ལ་ནི་བརྒྱ་ལ་བསྙེན་བཀུར་བྱེད། ལ་ལ་ནི་སྟོང་ལ།
D3.006.0184b03.01ལ་ལ་ནི་འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི་བདག་ཉིད་གསོ་བར་དཀའ་བས་བདག་གིས་རྔོ་མི་ཐོག་གོ་ཞེས་ཟེར་ནས་དགེ་སློང་དེ་དག་དོང་ངོ་། །ཁོ་བོ་ཅག་གཉིས་ནི་བསོད་སྙོམས་བརྒྱུས་ནས་གཙུག་ལག་ཁང་འདི་ཉིད་ན་འཁོད་དོ། །དེད་དཔོན་གྱིས་སྨྲས་པ།
D3.006.0184b04.01ཤེས་ལྡན་དག་བདག་ཅག་ཡུན་རིང་པོ་ནས་སྨོན་པ། ཀྱེ་མ་བདག་ཅག་གིས་དགེ་འདུན་གྱི་གཙུག་ལག་ཁང་བྱེད་དུ་གཞུག་ཅིང་གཙུག་ལག་ཁང་བྱེད་དུ་བཅུག་ནས་དགེ་སློང་རྣམས་ལ་མཁོ་བ་བསྟབས་པར་བྱའོ་སྙམ་ན། གཙུག་ལག་ཁང་འདི་ནི་བྱས་ཟིན་པ་ཡིན་པས་གཙུག་ལག་
D3.006.0184b05.01ཁང་འདི་ཉིད་དུ་དགེ་སློང་རྣམས་ལ་མཁོ་བ་བསྟབས་པར་བྱའོ་ཞེས་དེས་རས་ཡུག་ཆེན་བཏིང་སྟེ། ཤེས་ལྡན་དག་ཁྱེད་ཅག་ལས་གང་གིས་ཇི་ཡོངས་སུ་བཏང་བ་དེ་འདིར་ཕུལ་ཅིག་ཅེས་སྨྲས་པ་དང་། དེ་དག་གིས་ཀྱང་ཇི་འབྱོར་པ་དེར་ཕུལ་ནས་དེར་རྙེད་པ་མང་པོ་འདུས་པར་
D3.006.0184b06.01གྱུར་པ་དང་དེད་དཔོན་གྱིས་རྒན་ཞུགས་དེ་གཉིས་ལ་སྨྲས་པ། འཕགས་པ་གཉིས་འདི་ནི་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་ལགས་སོ། །འདི་ནི་བརྒྱད་སྟོན་དང་། བཅུ་བཞི་སྟོན་དང་། ཉ་སྟོན་གྱི་བསོད་སྙོམས་ལགས་སོ། །འདི་ནི་ན་བའི་རྐྱེན་དང་།
D3.006.0184b07.01