完整藏文原文 · 德格版页 当前仅加载第 6 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
འོངས་ལ་དབྱར་ཕྱི་མ་ཉེ་བར་སྒྲུབ་པའི་དུས་སུ་གནས་པར་ཁས་བླང་བར་བྱའོ། །དེ་དག་དེར་འོང་བ་དང་རྒན་ཞུགས་གཉིས་ཀྱིས་དེ་དག་ཐག་རིང་པོ་ཁོ་ན་ནས་འོང་བ་མཐོང་ནས། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ་ཞེས་དེ་གཉིས་ཀྱིས་དེ་དག་གི་
D3.006.0186b01.01གནས་ཁང་དག་བསྐོས་ཤིང་གནས་མལ་དང་། ཁྲི་དང་། ཁྲིའུ་དང་། ཆུ་ར་དང་། ཕོར་བུ་དང་། ཆུ་ཚགས་དང་། ལྡེ་མིག་ཀྱོག་པོ་དག་ཕོག་གོ། །དེ་དག་གིས་བསམས་པ། བདག་ཅག་དོན་གང་གི་ཕྱིར་ལྷགས་པ་དེ་ཇེ་བརྟག་པར་བྱའོ་སྙམ་ནས་དེ་དག་གིས་སྨྲས་པ།
D3.006.0186b02.01རྒན་ཞུགས་གཉིས་འདིར་རྙེད་པ་ཅི་གྲུབ་པ་དག་ཇི་བལྟས་འོན་ཅིག །རྒན་ཞུགས་དེ་གཉིས་དྲང་པོའི་རང་བཞིན་ཅན་ཡིན་པས་དེ་གཉིས་ཀྱིས་འདི་ནི་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་སོ། །འདི་ནི་བརྒྱད་སྟོན་ནོ། །འདི་ནི་བཅུ་བཞི་སྟོན་ནོ། །འདི་ནི་ཉ་སྟོན་
D3.006.0186b03.01ནོ། །འདི་ནི་ན་བའི་རྐྱེན་ཏོ། །འདི་ནི་སྨན་གྱི་ཡོ་བྱད་དོ། །འདི་ནི་འདིའི་རྙེད་པའོ། །འདི་ནི་ཆོས་གོས་ཀྱི་ཟོང་ངོ་ཞེས་རྙེད་པ་དེ་དག་ཐམས་ཅད་བསྟན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་རྒན་ཞུགས་སེར་སྣ་ཅན་ཡིན་པས་ཟས་བསོད་པ་སྦྱིན་པར་མི་ནུས་ལ་འདི་
D3.006.0186b04.01ལྟར་རྒན་ཞུགས་འདི་གཉིས་ཀྱིས་དགེ་འདུན་ལ་བསྙེན་བཀུར་བྱས་པས་ཡོངས་སུ་སྤང་བ་སྦྱིན་ནོ་ཞེས་དེ་དག་གིས་དེ་གཉིས་ལ་ཡོངས་སུ་སྤང་བ་སྦྱིན་ནས་དེ་གཉིས་ཀྱང་བདག་ཅག་གཉིས་ཀྱིས་ཡོངས་སུ་སྤང་བ་ཐོབ་བོ་ཞེས་དགའ་བར་གྱུར་ཏོ། །དེ་དག་གིས་སྨྲས་པ། ཚེ་དང་
D3.006.0186b05.01ལྡན་པ་དག་དགེ་སློང་ལྟོ་མདུན་ཅན་འགའ་ཞིག་ལ་བཅོལ་ན་དེས་དགེ་འདུན་ལ་ཉི་མ་རེ་རེ་ཞིང་བཅའ་བ་རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཡང་འབྲིམ་པར་འགྱུར་རོ་ཞེས་དེ་དག་གིས་དགེ་སློང་ལྟོ་མདུན་ཅན་
D3.006.0186b06.01ཞིག་ལ་བཅོལ་བ་དང་། དེས་དེ་དག་ལ་ཉི་མ་རེ་རེ་ཞིང་བཅའ་བ་རྣམ་པ་{བཅྭ་,བཅོ་}བརྒྱད་དང་། ཚོད་མ་སྣུམ་བག་ཅན་མང་པོ་སྣ་ཚོགས་དག་དང་། ལེགས་པར་སྦྱར་བའི་བཏུང་བ་ཡང་འབྲིམ་པར་བྱེད་པས་དུས་ཅུང་ཟད་ཅིག་གིས་བསོད་སྙོམས་ཐམས་ཅད་སྤྱད་པ་དང་། དགེ་
D3.006.0186b07.01