完整藏文原文 · 德格版页 当前仅加载第 6 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུས་ལ་མཆི་ཤིག་དང་། བདག་གིས་རབ་ཏུ་དབྱུང་ངོ་ཞེས་མཆི་ནས་བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན། དེ་རྒྱལ་པོའི་ཁབ་ཏུ་མཆིས་པས་ད་ནི་བདག་ཁྱིམ་ན་གནས་པ་ཡང་མ་ལགས་ལ་རབ་ཏུ་བྱུང་བ་ཡང་མ་ལགས་སོ། །གཡེངས་
D3.006.0081a01.01མ་དགེ་སློང་དག་སུ་ཞིག་དགེ་སློང་མ་རབ་ཏུ་འབྱིན་པར་བྱེད། འདི་ལྟར་དགེ་སློང་མ་རྣམས་ཀྱིས་དགེ་སློང་མ་རབ་ཏུ་འབྱིན་པར་བྱེད་ཀྱིས་ཚུར་ཤོག །འཕགས་མ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཁྱོད་རབ་ཏུ་འབྱིན་པར་འགྱུར་རོ། །དེ་དག་གིས་དེ་སྐྱེ་དགུའི་བདག་མོ་ཆེན་
D3.006.0081a02.01མོ་གཽ་ཏ་མཱིའི་གན་དུ་ཁྲིད་ནས་སྨྲས་པ། འཕགས་མ་ཁྱིམ་བདག་གི་མཆིས་འབྲང་སྦེད་མ་འདི་རབ་ཏུ་འབྱུང་བར་འཚལ་ལོ། །སྐྱེ་དགུའི་བདག་མོ་ཆེན་མོ་གཽ་ཏ་མཱིས་དེ་རབ་ཏུ་ཕྱུང་རྫོགས་པར་བསྙེན་པར་བྱས་སོ། །འཆར་ཀ་འདི་སྙམ་དུ་བདག་གིས་ལྷུང་བཟེད་ནག་པོ་ཅན་རྣམས་
D3.006.0081a03.01རྗེས་སུ་སྲུང་བས་ཁྱིམ་བདག་གི་ཆུང་མ་སྦེད་མ་རབ་ཏུ་མ་ཕྱུང་བས་རྒྱ་ཅང་དང་། ལྕག་པོད་དང་། ཤུར་བུ་དང་། ཤུར་བུ་ཕྲེའུ་དག་གི་བར་ཆད་ཀྱང་བྱས་ལ། དེ་ཡང་ལྷུང་བཟེད་ནག་པོ་ཅན་འགའ་ཞིག་གིས་རབ་ཏུ་ཕྱུང་བར་གྱུར་ན་དེ་དང་ཕྲད་དུ་ཡང་མི་སྟེར་རོ་སྙམ་དུ་འགྱོད་པ་སྐྱེས་
D3.006.0081a04.01ནས་དེ་མི་དགའ་བཞིན་དུ་དབྱར་གནས་པར་ཁས་བླངས་སོ། །མཉན་ཡོད་ན་རྒན་ཞུགས་ཤིག་མི་དགའ་བཞིན་དུ་དབྱར་གནས་པར་ཁས་བླངས་པ་དེས་ལྷུང་བཟེད་དང་ཆོས་གོས་མཆན་ཁུང་དུ་བཅུག་སྟེ་དགག་དབྱེ་བྱས་པ་ན་དགག་དབྱེ་ལེགས་པར་བྱས་སོ། །དགག་དབྱེ་ཤིན་
D3.006.0081a05.01ཏུ་བྱས་སོ་ཞེས་དེ་རྒྱལ་པོའི་ཁབ་ག་ལ་བ་དེར་སོང་སྟེ། མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་པ་དང་། ཚེ་དང་ལྡན་པ་འཆར་ཀ་གཙུག་ལག་ཁང་གི་སྒོ་ན་ལམ་ལ་རྣམ་པར་ལྟ་ཞིང་འདུག་པ་དེས་ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ།
D3.006.0081a06.01སྨིན་མ་འཕྱང་བ་ཞིག་འོང་བ་དེ་མཐོང་ནས་འཆར་ཀས་བསམས་པ། དགེ་སློང་འོང་བ་འདི་གནས་བརྟན་གང་ཡིན་པ་སུའོ་སྙམ་ནས། དེས་སྨྲས་པ། གནས་བརྟན་བྱོན་པ་ལེགས་སོ། །བྱོན་པ་ལེགས་སོ་ཕྱག་འཚལ་ལོ། །དེས་སྨྲས་པ། སློབ་དཔོན་ཕྱག་འཚལ་ལོ། །
D3.006.0081a07.01