完整藏文原文 · 德格版页 当前仅加载第 6 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། དགེ་སློང་གིས་མ་མཐོང་བ་དང་། མ་ཐོས་པ་དང་། མ་རིག་པ་དང་། རྣམ་པར་མི་ཤེས་པ་ལ། དེས་འདུ་ཤེས་བསྒྱུར་ཞིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་ངོ་། །བདག་གིས་ཐོས་སོ། །
D3.006.0226a01.01བདག་གིས་རིག་གོ། །བདག་གིས་རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ཡང་བརྗེད་པ་དང་། ཐོས་ཤིང་རིག་སྟེ་རྣམ་པར་ཤེས་ལ། དེ་ཡང་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་
D3.006.0226a02.01པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ་དེ་ཡང་མ་བརྗེད་དོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ལ་ཡིད་གཉིས་ཟ་བ་དང་། ཐོས་ཤིང་རིག་སྟེ་རྣམ་པར་ཤེས་ལ།
D3.006.0226a03.01དེ་ལ་ཡིད་གཉིས་ཟ་ནས། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ལ་ཡིད་གཉིས་མི་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ལ་ཡིད་གཉིས་མི་ཟའོ་ཞེས་ཟེར་ན་སྨྲས་སོ་
D3.006.0226a04.01ཅོག་ལྟུང་བྱེད་དུ་འགྱུར་རོ། །དེས་མཐོང་བ་ལ་མ་མཐོང་བར་འདུ་ཤེས་ཤིང་། ཐོས་པ་དང་། རིག་པ་དང་། རྣམ་པར་ཤེས་པ་ལ་རྣམ་པར་མ་ཤེས་པར་འདུ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་ཅེས་བདག་གིས་
D3.006.0226a05.01མཐོང་ངོ་། །ཐོས་སོ། །རིག་གོ། །རྣམ་པར་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ཞིང་ཐོས་པ་དང་། རིག་པ་དང་། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་སྐད་
D3.006.0226a06.01ཅེས་བདག་གིས་མཐོང་གི་མ་ཐོས། མ་རིག །རྣམ་པར་མ་ཤེས་སོ་ཞེས་ཟེར་ན་སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་ཐོས་ཤིང་། མཐོང་བ་དང་། རིག་པ་དང་། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང་། འདོད་པ་དང་། བློ་གྲོས་དང་། རྟོག་པ་དང་། ལྟ་བ་བསྒྱུར་ཏེ་འདི་
D3.006.0226a07.01