完整藏文原文 · 德格版页 当前仅加载第 6 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་སྟེ་ངལ་བསོ་ནས་དེས་སྨྲས་པ། ཞང་པོ་ཅིའི་ཕྱིར་ཁྱོད་རང་ཉིད་ཞིང་རྨོ་བར་བྱེད། ཁྱོད་ཀྱིས་གྲོང་དུ་གྲོང་གི་བྱ་བ་བྱ་བའི་རིགས་ན་ཁྱོད་དགོན་པར་དགོན་པའི་བྱ་བ་བྱེད་དམ། ཚ་བོ་ཁོ་བོ་ལ་བུ་ཡང་མེད། ཕུ་ནུ་ཡང་མེད་དོ། །ཞང་པོ་གཤོལ་འོན་ཅིག་དང་ཁོ་བོས་རྨོས་
D3.006.0229a01.01ཁྱོད་རེ་ཞིག་ངལ་སོ་ཤིག་ཅེས་དེས་ཞིང་རྨོ་བར་བརྩམས་པ་དང་། ཁྱིམ་བདག་དེས་དེའི་ཟན་ཁྱེར་ཏེ་འོངས་ནས་སྨྲས་པ་ཚ་བོ་ཚུར་ཤོག་ཟན་ཟའོ། །དེ་གཉིས་ཀྱིས་ཟན་ཟོས་ནས་ཁྱིམ་བདག་གི་བུ་དེས་སྨྲས་པ། ཞང་པོ་ཁོ་བོས་ཁྱོད་ཀྱི་ཁྱིམ་མི་ཤེས་ཀྱིས་ཁྱོད་སོང་ཤིག་དང་། ཁོ་བོས་ཞིང་
D3.006.0229a02.01རྨོས་དགོངས་ཀར་སུ་ཤིག །ཁྱིམ་བདག་དེ་སོང་བ་དང་། ཁྱིམ་བདག་གི་བུ་དེས་ཀྱང་ཡུད་ཙམ་ཞིག་ཞིང་རྨོས་ནས་ཞིང་ཚིགས་ཀྱི་ཕྱོགས་སུ་གླང་གཉིས་ཟར་བཅུག་སྟེ། དགོངས་ཀར་རྩྭ་ཁུར་གཅིག་ཐོགས་ནས་རི་བྲགས་དེར་འཇུག་པར་བརྩམས་པ་དང་། ཁྱིམ་བདག་དེས་ཀྱང་དེ་བསུ་ནས་
D3.006.0229a03.01ཁྱིམ་བདག་དེས་དེ་ཁྱིམ་དུ་ཁྲིད་དོ། །ཁྱིམ་བདག་གི་བུ་དེས་གླང་བྲགས་སུ་སྩལ་ཏེ་གཅལ་བཀྲམ་ནས་དུ་བ་བཏུལ་ཏེ་གླང་གཉིས་ཀྱི་མདུན་དུ་རྩྭ་བཀྲམ་པ་དང་། ཁྱིམ་བདག་དེས་བསམས་པ། བདག་ཁྱིམ་བདག་གི་བུ་འདིས་བདེ་བར་བྱས་ཀྱིས་བདག་གིས་བུ་མོ་འདི་འདི་ལ་ཆུང་མར་སྦྱིན་ནོ་
D3.006.0229a04.01སྙམ་ནས་དེས་དེ་ལ་སྨྲས་པ། ཚ་བོ་མངོན་པར་དགའ་བཞིན་དུ་ལས་གྱིས་ཤིག་དང་བུ་མོ་འདི་ཁྱོད་ལ་ཆུང་མར་སྦྱིན་ནོ། །དེས་དེར་ཁྱིམ་བརྩིག་པར་བརྩམས་པ་དང་། དེའི་གླང་ཞིང་ཟན་ཅིག་ཞིང་ལ་བྲོས་ནས་དེས་དེ་བཟློག་ཀྱང་མ་བཟློགས་ནས་དེས་དེ་ལ་སྤྱོས་ཏེ་ཤིང་ཚལ་ཞིག་འཕངས་
D3.006.0229a05.01པ་དང་། དེས་དེའི་རྭ་ཆག་ནས་དེའི་མིང་རྭ་ཆག་ཅེས་བྱ་བར་བཏགས་སོ། །དུས་གཞན་ཞིག་ན་དེ་ཡང་ཞིང་ལ་བྲོས་ནས་དེས་དེ་བཟློག་ཀྱང་མ་བཟློགས་ནས་དེས་དེ་ལ་སྤྱོས་ཏེ་ཟོར་བ་འཕངས་པ་དང་དེས་དེའི་མཇུག་མ་ཆད་ནས་དེའི་མིང་མཇུག་རྡུམ་ཞེས་བྱ་བར་བཏགས་སོ། །དེ་ལྟར་དེའི་
D3.006.0229a06.01མིང་རྭ་ཆག་དང་མཇུག་རྡུམ་ཞེས་བཏགས་ནས། དེ་ཕྱིན་ཆད་གླང་དེའི་མིང་ཆག་རྡུམ་ཞེས་བྱ་བར་བཏགས་སོ། །དུས་གཞན་ཞིག་ན་ཁྱིམ་བདག་གི་བུ་དེས་ཁྱིམ་བདག་དེ་ལ་སྨྲས་པ། ཞང་པོ་ཇི་ལྟར་ཁས་བླངས་པ་བཞིན་གྱིས་ཤིག །ཁྱིམ་བདག་དེས་ཆུང་མ་ལ་སྨྲས་པ། བཟང་མོ་
D3.006.0229a07.01