完整藏文原文 · 德格版页 当前仅加载第 6 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། འདི་ལྟ་སྟེ་ཤིང་ལྗོན་པ་ཡལ་གའི་ཚོགས་མ་འབྲེལ་པ་གང་ཡིན་པའོ། །དེའི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན་རྩ་བའོ། །དགེ་སློང་གིས་རྩ་བར་ཆོས་གོས་དག་བཞག་སྟེ་ཡལ་གར་སྐྱ་རེངས་འཆར་བར་བྱེད་ན་
D3.006.0057a01.01ལྟུང་བ་མེད་དོ། །ཡལ་གར་ཆོས་གོས་དག་བཞག་སྟེ་རྩ་བར་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །རྩ་བའམ་ཡལ་གར་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེན་ཀོར་གཅིག་པ་
D3.006.0057a02.01གང་ཞེ་ན། འདི་ལྟ་སྟེ་ཤིང་ལྗོན་པ་རབ་ཏུ་མང་པོ་ཡལ་གའི་ཚོགས་འབྲེལ་པ་གང་ཡིན་པའོ། །དེ་དག་གི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་ལོ་མ་ལྷགས་པ་རླུང་གིས་མ་བདས་པ་དག་འབབ་པ་དང་། ཆར་ཆད་པའི་ཐིགས་པ་
D3.006.0057a03.01སྦོམ་པོ་དག་འབབ་པ་དང་། གང་དུ་གུང་ཚིགས་ཀྱི་ཚེ་ཤིང་ལྗོན་པའི་གྲིབ་མས་ཁྱབ་ཅིང་འདུག་པ་དེ་ནི་དེ་དག་གི་ཉེན་ཀོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ་ཉེན་ཀོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེན་ཀོར་དུ་ཆོས་གོས་དག་བཞག་སྟེ་
D3.006.0057a04.01ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེན་ཀོར་དུ་ཆོས་གོས་དག་བཞག་སྟེ་གཞན་དུ་སྐྱ་རེངས་འཆར་བར་བྱེད་ན་སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོ་ཡལ་
D3.006.0057a05.01གའི་ཚོགས་མ་འབྲེལ་པ་གང་དག་ཡིན་པའོ། །དེ་དག་གི་ཉེན་ཀོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཀུན་དགའི་ར་བ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཀུན་དགའི་
D3.006.0057a06.01ར་བ་གང་ཡིན་པའོ། །དེའི་ཉེན་ཀོར་གང་ཞེ་ན། ནང་ཐམས་ཅད་དང་། ཕྱི་རོལ་འདོམ་གང་ངམ། གང་དུ་དེ་དག་མེ་ཏོག་དག་ཐུ་བར་བྱེད་པ་དང་། སྐོན་པ་དག་འཇོག་པར་བྱེད་པ་དང་། ཕྲེང་བ་དག་རྒྱུད་པར་བྱེད་པ་དང་། འཇལ་བར་བྱེད་པ་དང་། ཉོ་བར་བྱེད་པ་དང་།
D3.006.0057a07.01