完整藏文原文 · 德格版页 当前仅加载第 6 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དག་རྒན་ཞུགས་འདི་གཉིས་དྲང་པོའི་རང་བཞིན་ཅན་ཡིན་གྱིས་འདི་གཉིས་ལ་བཟོད་པ་གྱིས་ཤིག །དེ་དག་གིས་སྨྲས་པ། རྒན་ཞུགས་གཉིས་བཟོད་པར་བྱའོ། །རི་བྲག་འདི་ནི་མ་དད་པ་མང་བས་འདིར་བསོད་སྙོམས་ཀྱང་མི་རྙེད་ཀྱིས་གལ་ཏེ་ལྷག་རོལ་ཅུང་ཟད་
D3.006.0187b01.01ཡོད་ན་དེ་ཡང་བྱིན་ཅིག །འོན་ཏེ་མེད་ན་ནི་ཁོ་བོ་ཅག་འདོང་ངོ་། །ཚེ་དང་ལྡན་པ་དག་ཅི་ཡང་མེད་ཀྱིས་དེང་ཤིག །དེ་དག་དེ་ནས་དོང་སྟེ་མཉན་ཡོད་དུ་སོང་ནས་དེ་དག་དེར་ཕྱིན་པ་དང་དབྱར་ཕྱི་མར་གནས་པར་ཁས་བླངས་སོ། །དབྱར་འདས་པ་དང་དོན་མཐུན་དེ་དག་ཡང་
D3.006.0187b02.01ལྷགས་ནས་དེ་དག་གིས་དེ་བཞིན་དུ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ། གཙུག་ལག་ཁང་དུ་ཞུགས་པ་དང་། ཇི་ཙམ་ན་གཙུག་ལག་ཁང་སྟོང་པར་མཐོང་ནས་དེ་དག་གིས་བསམས་པ། དགེ་སློང་དག་ནང་དུ་ཡང་དག་འཇོག་ལ་ཞུགས་སམ།
D3.006.0187b03.01ཉིན་མོ་སྤྱོད་དུ་དོང་གོར་མ་ཆག་སྙམ་ནས། དེ་དག་དེ་ན་ཡོངས་སུ་བསྐོར་བ་ན་རྒན་ཞུགས་དེ་གཉིས་མཐོང་ནས་དེ་དག་གིས་སྨྲས་པ། འཕགས་པ་གཉིས་དགེ་སློང་དག་གར་དོང་། བཞིན་{བཟངས་,བཟང་}དག་འདི་ན་དགེ་སློང་དག་མི་འཁོད་དོ། །འཕགས་པ་གཉིས་བདག་ཅག་
D3.006.0187b04.01གིས་དགེ་སློང་དྲུག་བཅུའི་ཟླ་བ་གསུམ་གྱི་བསོད་སྙོམས་མ་ཕུལ་ལམ། དེ་གཉིས་ཀྱིས་སྨྲས་པ། དགེ་སློང་དག་ལྷགས་པར་གྱུར་ནས་དེ་དག་གིས་དབྱར་གྱི་ནང་ཉིད་དུ་ཐམས་ཅད་ཟོས་ཏེ་དོང་ངོ་། །ཁྱེད་གཉིས་ཀྱིས་དགེ་སློང་གང་དག་ཁྲིད་དེ་འོངས། དྲུག་སྡེ་དག་གོ། །
D3.006.0187b05.01འཕགས་པ་གཉིས་ཁྱེད་གཉིས་རྒྱ་མཚོ་ཆེན་པོར་དོང་ནས་ནོར་བུ་མཆིང་བུ་དག་ཁྱེར་ཏེ་འོངས་སོ། །དེ་ན་དགེ་སློང་གཞན་དག་མེད་དམ་ཅི་ན་དྲུག་སྡེ་དག་ཁྲིད་དེ་འོངས། དེ་དག་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་
D3.006.0187b06.01བདག་ཅག་གི་དད་པའི་མྱུ་གུ་སྐྱེས་མ་ཐག་ཏུ་བཅོམ་མོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་
D3.006.0187b07.01