完整藏文原文 · 德格版页 当前仅加载第 6 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
སྡེ་ལ་བརྟེན་ནས་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ། ཤིན་ཏུ་མཐར་ཐུག་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་གཞག་པ་མཛད་དོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་
D3.006.0096b01.01ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་། འདྲེན་མ་སྤངས་ནས་ལས་གཅིག་ཏུ་དཀར་བ་དག་ལ་
D3.006.0096b02.01བརྩལ་བར་བྱ་སྟེ། དགེ་སློང་དག་དེ་ལྟར་ཁྱོད་ཀྱིས་བསླབ་པར་བྱའོ། །འཁྲུར་འཇུག་པའི་སྤང་བ་སྟེ་བཞི་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་
D3.006.0096b03.01གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་དགོན་པར་གནས་པ་མ་བཀག་པ་དེའི་ཚེ་ན་དགེ་སློང་མ་རྣམས་ཀྱང་དགོན་པའི་གནས་སུ་དོང་སྟེ། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་བདེ་བ་དག་ཉམས་སུ་མྱོང་
D3.006.0096b04.01བར་བྱེད་དོ། །དེ་ནས་དགེ་སློང་མ་ཨུཏྤ་ལའི་མདོག་འཁོར་ལྔ་བརྒྱ་དང་ནགས་མུན་པ་ཅན་ག་ལ་བ་དེར་སོང་སྟེ་ཕྱིན་ནས་ཤིང་ལྗོན་པའི་དྲུང་ཞིག་ཏུ་བརྟེན་ཏེ་སྐྱིལ་མོ་ཀྲུང་ཕྱེད་ཀྱིས་འདུག་ནས་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་
D3.006.0096b05.01འཇུག་པའི་བདེ་བ་དག་ཉམས་སུ་མྱོང་བར་བྱེད་དོ། །དགེ་སློང་མ་དེ་དག་ཕྱེ་མ་རེད་མཉན་ཡོད་དུ་འཇུག་འདོད་ནས་སྨྲས་པ། འཕགས་མ་ཨུཏྤ་ལའི་མདོག་བསླང་བར་བྱའོ། །ཁ་ཅིག་གིས་སྨྲས་པ། འཕགས་མ་ཨུཏྤ་ལའི་མདོག་ནི་མཐུ་ཆེ་བ་རྫུ་འཕྲུལ་ཆེ་བ་ཡིན་
D3.006.0096b06.01པས་དང་པོ་ཁོ་ནར་དབྱར་ཁང་དུ་འགྲོ་བར་འགྱུར་བའི་གནས་ཀྱང་ཡོད་དོ་ཞེས་ཟེར་ནས་དེ་དག་གིས་དེ་མ་བསླང་བ་ཁོ་ནར་དོང་ངོ་། །ཨུཏྤ་ལའི་མདོག་ཀྱང་ཕྱེ་མ་རེད་ལངས་ནས་དགེ་སློང་མ་དེ་དག་ཐམས་ཅད་དོང་བར་མཐོང་བ་དང་། དེས་བསམས་པ། ཅི་ད་འགྲོའམ། འོན་
D3.006.0096b07.01