完整藏文原文 · 德格版页 当前仅加载第 6 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་བདག་གིས་རས་ཟུང་དེ་མ་ཕྲོགས་ན་ཉེ་དགའ་ཞེས་བྱ་བའི་མིང་མི་གཟུང་ངོ་སྙན་ནས་ཉེ་དགའ་དེའི་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་ཁྱིམ་དུ་སོང་བ་དང་། ཇི་ཙམ་ན་དེས་ཁྱིམ་བདག་དེ་མཆོད་
D3.006.0206a01.01སྟོན་སྦྱོར་བ་མཐོང་ནས། དེས་ཁྱིམ་བདག་དེ་ལ་དྲིས་པ། ཁྱིམ་བདག་ཅི་བྱེད། འཕགས་པ་མཆོད་སྟོན་སྦྱོར་རོ། །ཁྱིམ་བདག་བཅོམ་ལྡན་འདས་ཀྱིས་སེམས་ཅན་གང་དག་སྔ་དྲོའི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་
D3.006.0206a02.01སྤྱོད་པའི་སེམས་ཅན་དེ་དག་ལ་དུས་དེ་ན་སྔ་དྲོ་བཟང་པོར་ཉེ་བར་གནས་པར་འགྱུར་ལ། སེམས་ཅན་གང་དག་གུང་ཚིགས་ཀྱི་དུས་ཀྱི་ཚེ་དང་། ཕྱེ་མ་རེད་ཀྱི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་སྤྱོད་པའི་སེམས་ཅན་དེ་དག་ལ་
D3.006.0206a03.01དུས་དེ་ན་གུང་ཚིགས་བཟང་པོ་དང་ཕྱེ་མ་རེད་བཟང་པོར་ཉེ་བར་གནས་པར་འགྱུར་རོ་ཞེས་བཀའ་སྩལ་པ་དེ་ནི་ལེགས་པར་གསུངས་པ་ཡིན་ནོ། །ཁྱིམ་བདག་གོས་སྦྱིན་པ་ཡང་ཅུང་ཟད་ཡོད་དམ། འཕགས་པ་བདག་ནི་ལོངས་སྤྱོད་སྲབ་པ་ལགས་ཏེ་འོན་ཀྱང་རས་ཟུང་གཅིག་འབུལ་
D3.006.0206a04.01ལོ། །ཁྱིམ་བདག་རས་ཟུང་དེ་ཅི་འདྲ་བལྟའོ། །དེས་བསྟན་པ་དང་ཅི་ཙམ་ན་བཟང་བར་མཐོང་ནས་ཉེ་{དགའས་,དགས་}སྨྲས་པ། ཁྱིམ་བདག་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི་ཡོད་ན་ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་ལན་འགའ་ཡང་མེད་
D3.006.0206a05.01དོ། །བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདིས་ནི་རེ་ཞིག་ཆོས་གོས་ཀྱི་གདང་ཁོ་ན་ལ་ཡོངས་སུ་ཟད་པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི་པུ་ལ་སའི་འདབ་མས་ཀྱང་
D3.006.0206a06.01བགོ་བར་བྱ་ལ། གོས་ཀྱི་རྙེད་པ་བྱུང་ན་ནི་མར་མེའི་སྙིང་པོར་རུང་བས་ཀྱང་བགོ་བར་བྱའོ་ཞེས་གསུངས་ན། གལ་ཏེ་འགེད་པར་མི་བྱེད་ན་ཁྱོད་ཀྱི་འདི་ཡང་ལོངས་སྤྱོད་པར་མི་འགྱུར་རོ། །དེས་སྨྲས་པ། འཕགས་པ་གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་
D3.006.0206a07.01