完整藏文原文 · 德格版页 当前仅加载第 6 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་གནས་ལྟ་བུ་དག་གི་ཆོས་དང་ལྡན་པའི་ཚིག་འགའ་ཡང་མ་བཅག་པས་བཀའ་སྩལ་མ་ཐག་ཏུ་འཆར་ཀས་གསོལ་པ། བཅོམ་ལྡན་འདས་བདག་རབ་ཏུ་འབྱུང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་
D3.006.0070a01.01བུ་འཆར་ཀ་རབ་ཏུ་ཕྱུང་ཤིག་དང་། དེ་ནི་འདི་ལ་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་རོ། །ཚེ་དང་ལྡན་པ་ཤཱ་རིའི་བུས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཆར་ཀ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། དེ་ལ་
D3.006.0070a02.01འདི་ནི་ཁྱོད་ཀྱི་བྱ་བ་ཡིན་ནོ། །འདི་ནི་ཁྱོད་ཀྱིས་བྱ་བ་མ་ཡིན་ནོ། །འཆར་ཀ་ཁྱོད་ཀྱིས་དེང་ཕྱིན་ཅད་བུད་མེད་ཀྱི་ཡུལ་དང་ལྷན་ཅིག་ཁྱིམ་གཅིག་ཏུ་ཉལ་བར་མི་བྱའོ་ཞེས་བྱ་བ་ལ་སོགས་པ་ཀུན་ཏུ་སྤྱད་པའི་ཆོས་ཐམས་ཅད་བརྗོད་དོ། །འཆར་ཀས་མཁན་པོ་བཀའ་བཞིན་འཚལ་ཞེས་
D3.006.0070a03.01ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས། བཅོམ་ལྡན་འདས་ག་ལ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེར་སྐྱའི་
D3.006.0070a04.01གནས་སུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་ཁྱོད་ཀྱིས་ཚམ་ཚོམ་མེད་པར་རྒྱལ་པོའི་ཕོ་བྲང་དུ་འཇུག་པར་མི་བྱ་བར་སྒོར་འགྲེང་སྟེ་ཤཱཀྱའི་དགེ་སློང་འོངས་སོ་ཞེས་བརྗོད་པར་བྱའོ། །གལ་ཏེ་ཤཱཀྱའི་དགེ་སློང་གཞན་དག་ཀྱང་ཡོད་དམ་ཞེས་འདྲི་
D3.006.0070a05.01ན་ཤཱཀྱའི་དགེ་སློང་གཞན་དག་ཀྱང་ཡོད་དོ་ཞེས་བརྗོད་པར་བྱའོ། །གལ་ཏེ་ཞུགས་ཤིག་ཅེས་ཟེར་ན་འཇུག་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ནམ་ཞེས་འདྲི་ན། ཆ་ལུགས་འདི་འདྲ་བ་ཉིད་ཡིན་ནོ་ཞེས་བརྗོད་པར་བྱའོ། །
D3.006.0070a06.01ཁྱོད་ཀྱིས་རྒྱལ་པོའི་ཕོ་བྲང་དུ་གནས་པར་མི་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་རྒྱལ་པོའི་ཕོ་བྲང་དུ་གནས་འཆའ་བར་མི་བྱེད་དམ་ཞེས་འདྲི་ན། གནས་འཆའ་བར་མི་བྱེད་དོ་ཞེས་བརྗོད་པར་བྱའོ། །གལ་ཏེ་གང་དུ་གནས་འཆའ་བར་བྱེད་ཅེས་འདྲི་ན། དགོན་
D3.006.0070a07.01