完整藏文原文 · 德格版页 当前仅加载第 6 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་
D3.006.0255a01.01ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང་ཡང་ལས་ཀྱིས་སྐྱོ་
D3.006.0255a02.01སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དེ་དག་ནི་གང་ཟག་ལྔ་སྟེ། གཉུག་མར་གནས་པ་དང་། ལས་བྱེད་པ་དང་། འདུན་པ་འབུལ་བ་དང་། ལྟ་བ་སྨྲ་
D3.006.0255a03.01བ་དང་། བློ་བུར་དུ་འོངས་པ་དག་གོ། །དེ་ལ་གང་ཟག་གཉུག་མར་གནས་པ་གང་ཞེ་ན། གང་གིས་རྩོད་པ་དེའི་ཐོག་མ་དང་། དབུས་དང་། ཐ་མ་དག་ཤེས་པའོ། །གང་ཟག་ལས་བྱེད་པ་གང་ཞེ་ན། གང་གིས་རྩོད་པ་དེ་ཉེ་བར་ཞི་བར་བྱ་བའི་ཕྱིར་ལས་
D3.006.0255a04.01བྱས་པའོ། །གང་ཟག་འདུན་པ་འབུལ་བ་གང་ཞེ་ན། གང་གིས་ལས་དེ་བྱ་བའི་ཕྱིར་འདུན་པ་ཕུལ་བར་གྱུར་པའོ། །གང་ཟག་ལྟ་བ་སྨྲ་བ་གང་ཞེ་ན། གང་གིས་རྩོད་པ་དེ་ལ་རང་གི་ལྟ་བ་སྨྲས་པར་གྱུར་པའོ། །གང་ཟག་བློ་བུར་དུ་འོངས་པ་གང་ཞེ་ན། གང་
D3.006.0255a05.01གིས་རྩོད་པ་དེའི་ཐོག་མ་དང་། དབུས་དང་། ཐ་མ་དག་མི་ཤེས་པའོ། །དེ་ལ་གང་ཟག་དང་པོ་གསུམ་པོ་གཉུག་མར་གནས་པ་དང་། ལས་བྱེད་པ་དང་། འདུན་པ་འབུལ་བའི་གང་ཟག་དེ་གསུམ་གྱིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་
D3.006.0255a06.01ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དུ་འགྱུར་རོ། །གང་ཟག་ཐ་མ་གཉིས་པོ་ལྟ་བ་སྨྲ་བ་དང་། བློ་བུར་དུ་འོངས་པའི་གང་ཟག་དེ་གཉིས་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་
D3.006.0255a07.01