完整藏文原文 · 德格版页 当前仅加载第 6 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་དེ་ལྟར་ལྷན་པ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་ནས། དགེ་སློང་བསོད་སྙོམས་པ་ཞིག་གིས་ས་ལས་བྱས་པའི་ལྷུང་བཟེད་ལག་པ་ནས་ཤོར་ཏེ་གྱོ་དུམ་ལྔར་གྱུར་ནས། དེས་དེ་དག་བུ་གུ་ཕུག་སྟེ་གྱོ་དུམ་དག་སྐུད་པས་བརྒྱུས་ནས་བསོད་སྙོམས་ལ་རྒྱུ་བར་བྱེད་དོ། །བཅོམ་ལྡན་
D3.006.0163b01.01འདས་ཀྱིས་ལྷུང་བཟེད་ལ་ཟས་མེད་པར་བྱའོ་ཞེས་བཀའ་སྩལ་ནས་དེས་དེ་རུང་བར་བྱེད་པ་ན་བཤིག་ཅིང་རྒྱུད་པར་བྱེད་པས་སྔ་དྲོ་ཐམས་ཅད་ཟད་པར་གྱུར་ནས་དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཅི་ཁྱོད་ཀྱི་དགེ་བའི་ཕྱོགས་འདི་ལྟ་སྟེ། བཅིངས་པ་འགྲོལ་བ་འདི་ཁོ་ན་ཡིན་ནམ། དེས་
D3.006.0163b02.01སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྷུང་བཟེད་ཆག་པ་ལ་ལྷན་པ་སྲ་བ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་བསླབ་པ་འདོད་པ་དང་། བསླབ་
D3.006.0163b03.01པ་ལ་གུས་པ་དང་། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་རྗེས་སུ་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་
D3.006.0163b04.01བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ལྷུང་བཟེད་ལྷན་པ་ལྔ་མེད་པ། སྤྱད་
D3.006.0163b05.01བཟོད་པ་ཡོད་བཞིན་དུ་བཟང་པོ་འདོད་པའི་ཕྱིར་ལྷུང་བཟེད་སར་པ་གཞན་ཚོལ་ཞིང་ལྷུང་བཟེད་གྲུབ་ན་སྤང་བའི་ལྟུང་བྱེད་དོ། །དགེ་སློང་དེས་ལྷུང་བཟེད་དེ་དགེ་སློང་གི་འཁོར་ལ་དབུལ་བར་བྱའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་
D3.006.0163b06.01དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་པའི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ་ཞེས་སྦྱིན་པར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །ལྷུང་བཟེད་
D3.006.0163b07.01