完整藏文原文 · 德格版页 当前仅加载第 6 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་ངག་གི་ལས་དེ་སྟོན་པ་དང་། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་མདུན་དུ་སོ་སོར་བཤགས་པར་
D3.006.0219a01.01བྱ་ཞིང་། ཕྱིན་ཆད་ཀྱང་བསྡམ་པ་བསྒྲུབ་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱས་པ་འདས་པ་ཟད་པ་འགགས་པ་བྲལ་བ་རྣམ་པར་གྱུར་བ་གང་ཡིན་པའི་ངག་གི་ལས་དེ། བདག་དང་གཞན་ལ་ཕན་པར་
D3.006.0219a02.01འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་དགའ་བ་དང་མཆོག་ཏུ་དགའ་བ་དེ་ཉིད་ཀྱིས་ཉིན་མཚན་དུ་རྗེས་སུ་བསླབ་ཅིང་། དྲན་པ་དང་ཤེས་བཞིན་གྱིས་མང་དུ་གནས་པར་བྱའོ། །སྒྲ་ཅན་ཟིན་ཡིད་ནི་འདས་
D3.006.0219a03.01པའི་འདུ་བྱེད་རྣམས་ལས་བརྟེན་ཏེ་སྐྱེ་བས་ཁྱོད་ཀྱིས་ཡིད་ཀྱི་ལས་དེ་ལ་ཅི། བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་
D3.006.0219a04.01པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ་བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་
D3.006.0219a05.01བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ་མི་དགེ་བ་སྡུག་བསྔལ་འབྱུང་བ་རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་ཅན་ཟིན་ཁྱོད་ཀྱིས་
D3.006.0219a06.01ཡིད་ཀྱི་ལས་དེ་གཏང་བར་བྱའོ། །སྒྲ་ཅན་ཟིན་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་འདས་པའི་འདུ་བྱེད་རྣམས་ལས་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་ཕན་པར་འགྱུར་བ་དགེ་བ་བདེ་བ་འབྱུང་བ་རྣམ་པར་
D3.006.0219a07.01