完整藏文原文 · 德格版页 当前仅加载第 6 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་འོད་མའི་ཚལ་ཀ་ལན་ད་ཀའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་
D3.006.0002a01.01དཔོང་སའི་ཁང་པར་མཆིས་ཤིང་མཐུན་པར་གྱུར་ན་བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་
D3.006.0002a02.01ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྔ་པོ་འདི་དག་ནི་འཇིག་རྟེན་ན་ཡོད་ཅིང་སྲིད་པའི་སྟོན་པ་དག་ཡིན་ཏེ། ལྔ་གང་ཞེ་ན། འདི་ན་སྟོན་པ་གཅིག་ནི་ཚུལ་ཁྲིམས་ཡོངས་སུ་
D3.006.0002a03.01མ་དག་བཞིན་དུ་བདག་གི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས་སྟོན་པ་ཤེས་ལྡན་འདི་ནི་ཚུལ་ཁྲིམས་ཡོངས་སུ་མ་དག་བཞིན་དུ་བདག་གི་
D3.006.0002a04.01ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ་ཞེས་དམ་འཆའ་བར་ཤེས་མོད་ཀྱི། བདག་ཅག་གིས་གལ་ཏེ་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་
D3.006.0002a05.01བར་གྱུར་པ་དེས་སྟོན་པ་ལ་ཀུན་དུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཀྱིས་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ་ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་དང་། སྨན་གྱི་ཡོ་བྱད་དག་གིས་སེམས་
D3.006.0002a06.01