'dul ba rnam par 'byed pa/
当前为德格木刻版 184a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 184a
- 可引用原文
- 7 行
- 全文规模
- 全经 15555 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 6 函 · 德格 184a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲག་ཞིག་ན་ཁྱིམ་བདག་དད་པ་དང་ལྡན་པ་བཟང་བ་དགེ་བའི་བསམ་པ་ཅན་ཞིག་འདུག་པ་དེས་དགོན་པར་དགེ་འདུན་གྱི་གཙུག་ལག་ཁང་རྟ་བབས་མཐོན་པོ་དང་ལྡན་པ་མཐོངས་ཁུང་དང་། སྐར་ཁུང་དྲ་བ་ཅན་དང་། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་། ཁྲིའུ་དང་། ཡོ་བྱད་ཕུན་སུམ་ཚོགས་པ་ཞིག་བྱེད་དུ་བཅུག་སྟེ། དེ་ན་དགེ་
སློང་དྲུག་བཅུ་གནས་པ་དེ་དག་ལ་ཁྱིམ་བདག་དེས་ཆོས་གོས་དང་། བསོད་སྙོམས་ལ་སོགས་པ་མཁོ་བ་སྟོབས་པར་བྱེད་དོ། །དེ་ནས་དུས་གཞན་ཞིག་ན་ཁྱིམ་བདག་དེ་དུས་ཀྱི་ཆོས་དང་ལྡན་པར་གྱུར་ནས་ཁྱིམ་བདག་དེ་ལ་བུ་ཞིག་ཡོད་པ་དེའི་གན་དུ་དགེ་སློང་དེ་དག་དོང་སྟེ་སྨྲས་པ།བཞིན་{བཟངས་,བཟང་}ཁྱོད་ཀྱི་ཕས་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་བསྟབས་པ་བྱས་པར་གྱུར་ན་ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་བཅུ་ལ་ཆོས་གོས་དང་། བསོད་སྙོམས་ལ་སོགས་པས་མཁོ་བ་སྟོབས་པར་བྱེད་ནུས་སམ། དེས་སྨྲས་པ།
འཕགས་པ་དག་ལ་ལ་ནི་བརྒྱ་ལ་བསྙེན་བཀུར་བྱེད། ལ་ལ་ནི་སྟོང་ལ། ལ་ལ་ནི་འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི་བདག་ཉིད་ཀྱང་གསོ་བར་དཀའ་བས་བདག་གིས་རྔོ་མི་ཐོག་གོ། །དེ་ནས་དགེ་སློང་དེ་དག་གཙུག་ལག་ཁང་དེ་ནས་དོང་ངོ་། །རྒན་ཞུགས་རི་བྲག་དེ་ཉིད་ནས་རབ་ཏུ་བྱུང་བ་གཉིས་ཞིག་བསོད་སྙོམས་བརྒྱུས་ནས་གཙུག་ལག་ཁང་དེ་ཉིད་ན་འཁོད་དོ། །བྱང་ལམ་ནས་དོན་མཐུན་དག་ལྷགས་ནས་དེ་དག་གིས་གཙུག་ལག་ཁང་དེ་ཐག་རིང་པོ་ཁོ་ན་ནས་མཐོང་ནས་དེ་དག་དེར་དོང་སྟེ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་
ཕྱག་འཚལ་ནས་གཙུག་ལག་ཁང་དུ་ཞུགས་པ་དང་། ཇི་ཙམ་ན་གཙུག་ལག་ཁང་སྟོང་པར་འདུག་ནས་དེ་དག་གིས་བསམས་པ། དགེ་སློང་དག་ནང་དུ་ཡང་དག་འཇོག་ལ་ཞུགས་སམ། ཡང་ན་ཉིན་མོ་སྤྱོད་དུ་དོང་གོར་མ་ཆག་སྙམ་ནས་དེ་དག་དེ་ན་ཡོངས་སུ་བསྐོར་བ་ན་རྒན་ཞུགས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D3
- 德格版页
- 184a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0003 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。