完整藏文原文 · 德格版页 当前仅加载第 6 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །ཐེམ་སྐས་ཀྱི་གཞི་དང་། འོག་དང་གསུམ་པ་ནས་ཐམས་ཅད་ཀྱི་ཐ་མའི་བར་ལ་ཡང་དེ་བཞིན་ནོ། །དགེ་སློང་གིས་མུ་ལྟོ་བ་གཅིག་ལ་བསྔོས་པའི་རྙེད་པ་མུ་ལྟོ་བ་གཞན་ལ་
D3.006.0211b01.01སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི་ལྟུང་བ་མེད་དོ། །དགེ་སློང་གིས་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་གཅིག་ལ་བསྔོས་པའི་རྙེད་པ་དུད་འགྲོའི་སྐྱེ་གནས་སུ་སྐྱེས་
D3.006.0211b02.01པའི་སྲོག་ཆགས་གཞན་ལ་སྒྱུར་དུ་འཇུད་ན་དེ་སྒྱུར་དུ་འཇུད་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་
D3.006.0211b03.01ལྟུང་བ་མེད་དོ། །བསྔོས་པ་ལས་བསྒྱུར་བའི་སྤང་བ་སྟེ། ཉི་ཤུ་དགུ་པ་རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་པི་ལིན་དའི་བུའི་ལྷན་ཅིག་
D3.006.0211b04.01གནས་པ་དང་། ཉེ་གནས་དགེ་སློང་དག་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་
D3.006.0211b05.01དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་ཟ་བར་རྣམ་པར་དབྱེ་བ་ཡང་མི་མངོན་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་སྨན་གང་དག་དེ་ནས་ལག་ཉར་བླངས་པ་དང་། དེ་ལས་བྱིན་ལེན་བྱས་པ་དང་། ཟས་ཀྱི་ཕྱེ་མ་
D3.006.0211b06.01དང་འདྲེས་པ་དང་། ཕན་ཚུན་འདྲེས་པ་དང་། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་བཟའ་བར་རྣམ་པར་དབྱེ་བ་ཡང་མི་མངོན་ཞེས་སྨོད་པར་བྱེད།
D3.006.0211b07.01