完整藏文原文 · 德格版页 当前仅加载第 6 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོན་ནས་སྨྲ་བས་ཀུན་ཏུ་སྤྱོད་པར་མི་བྱའོ། །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཤིང་རྟ་སྤྱོད་པ་ཞིག་འདུག་པ་དེ་ལ་བ་དགའ་བྱེད་དང་ས་རི་ཞེས་བྱ་བ་གཉིས་ཤིག་ཡོད་པ་དེ་གཉིས་ལས་དཔྱིད་ཀྱི་ཟླ་བ་ལ་བེའུ་ཁྲ་བོ་དང་། ཉེ་བཀྲ་གཉིས་ཤིག་འབྲངས་
D3.006.0231b01.01སོ། །དེ་ནས་དགའ་བྱེད་ཀྱི་བེའུ་ནི་རུ་འདེལ་ཞིག་ཡིན་ལ། ས་རིའི་བེའུ་ནི་ཁུ་ཡུ་ཞིག་ཡིན་ནས་དེས་གཅིག་གི་མིང་ནི་དགའ་བྱེད་རུ་འདེལ་ཞེས་བྱ་བར་བཏགས། གཅིག་གི་མིང་ནི་ས་རི་ཁུ་ཡུ་ཞེས་བྱ་བར་བཏགས་ཏེ། དེ་གཉིས་དུས་གཞན་ན་གླང་ཆེན་པོ་གཉིས་སུ་གྱུར་ཏོ། །
D3.006.0231b02.01དུས་གཞན་ཞིག་ན་ཤིང་རྟ་སྤྱོད་པ་དག་ཆང་གྲལ་འཚོགས་ཏེ་གཏམ་ཟེར་བ་ན་ཤེས་ལྡན་དག་བདག་ཅག་ལས་སུའི་གླང་དག་བཟང་ཞེས་སྨྲས་པ་དང་། དེ་ན་གཅིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཡང་གཞན་ཞིག་ན་རེ་ཁོ་བོའི་བཟང་ངོ་ཞེས་ཟེར་རོ། །ཤིང་རྟ་སྤྱོད་པ་དེ་ན་རེ་ཁོ་བོའི་
D3.006.0231b03.01བཟང་ངོ་ཞེས་ཟེར་རོ། །དེ་དག་གིས་སྨྲས་པ། ཇི་ལྟར་ཤེས། དེས་སྨྲས་པ། ལམ་དམའ་བ་ནས་ཤིང་རྟར་ཁལ་འདི་ཙམ་བཞག་སྟེ་ཀཱར་ཥཱ་པ་ཎ་ལྔ་བརྒྱ་སྐུགས་སུ་བཙུགས་ལ་གླང་གཉིས་བདའ་བར་བྱའོ། །དེ་དག་གིས་ལམ་དམའ་བ་ནས་ཤིང་རྟར་ཁལ་དེ་ཙམ་བཞག་སྟེ་ཀཱར་ཥཱ་
D3.006.0231b04.01པ་ཎ་ལྔ་བརྒྱ་སྐུགས་སུ་བཙུགས་ནས་གླང་དེ་གཉིས་དེང་དུ་བཅུག་གོ། །ཤིང་རྟ་སྤྱོད་པ་དེས་དགའ་བྱེད་རུ་འདེལ་སོང་ཤིག །ས་རི་ཁུ་ཡུ་སོང་ཤིག་ཅེས་བདའ་བར་བརྩམས་པ་དང་། གླང་དེ་གཉིས་མི་འགུལ་བར་འཁོད་ནས་དེས་གླང་དེ་གཉིས་ལ་ལག་པས་བཙག་པར་བརྩམས་པ་དང་།
D3.006.0231b05.01ཤིང་རྟ་སྤྱོད་པ་གཞན་དག་གིས་སྨྲས་པ། ཁྱོད་ཕམ་གྱིས་བ་ལང་མ་གསོད་པར་གླང་འདི་གཉིས་ཐོང་ལ་སྐུགས་འཇོལ་ཅིག་ཅེས་དེ་དག་གིས་དེ་ཀཱར་ཥཱ་པ་ཎ་ལྔ་བརྒྱ་འཇལ་དུ་བཅུག་གོ། །ཤིང་རྟ་སྤྱོད་པ་དེས་གླང་དེ་གཉིས་ལ་སྤྱོས་ཏེ་ལྕག་མང་པོས་གཞུས་ནས་ཉི་མ་ལ་ཤིང་སྐམ་ལ་བཏགས་
D3.006.0231b06.01ཏེ་གཞག་གོ། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་མིའི་སྐད་སྨྲ་ཤེས་པས་དེ་གཉིས་ཀྱིས་སྨྲས་པ། ཁྱོད་བདག་ཅག་གི་ཕ་མ་དང་འདྲ་བར་འདུག་འདུག་ན་བདག་ཅག་གིས་ཁྱོད་ལ་ཉེས་པ་བྱས་སམ། ཅི་ན་ཁྱོད་ཀྱིས་ད་བདག་
D3.006.0231b07.01