完整藏文原文 · 德格版页 当前仅加载第 6 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པས་རང་གི་བཟོ་འདི་ལྟ་སྟེ། ཁར་གཞོང་དག་དང་། གཞོང་བུ་དག་དང་། ཆ་ལང་དག་དང་། སྐོམ་ཕོར་དག་དང་། རིལ་བ་དག་དང་། རྡུངས་མགར་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་
D3.006.0235b01.01ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་ཀོ་ལྤགས་མཁན་ལས་རབ་ཏུ་བྱུང་བ་ཡིན་
D3.006.0235b02.01གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷམ་སྒྲོག་གུ་ཅན་དག་དང་། ལྷམ་ཡུ་ཆད་དག་དང་། མཆིལ་ལྷམ་དག་དང་། སྒ་དག་དང་། དོང་པ་དག་དང་། ཀོ་ལྤགས་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་
D3.006.0235b03.01གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་རྫ་མཁན་ལས་རབ་ཏུ་བྱུང་བ་
D3.006.0235b04.01ཡིན་གྱིས། ཚེ་དང་ལྡན་པས་རང་གི་བཟོ་འདི་ལྟ་སྟེ། རྫ་མ་དག་དང་། བུམ་པ་དག་དང་། རིལ་བ་དག་དང་། རྫེའུ་དག་དང་། ཁམ་ཕོར་དག་དང་། རྫ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་
D3.006.0235b05.01སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས་འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི་འབྲེག་མཁན་ལས་རབ་ཏུ་བྱུང་བ་ཡིན་གྱིས།
D3.006.0235b06.01ཚེ་དང་ལྡན་པས་རང་གི་བཟོ་འདི་ལྟ་སྟེ། སྐྲ་འབྲེག་པ་དང་། སེན་མོ་འབྲེག་པ་དང་། ཁ་སྤུ་འབྲེག་པ་དང་། བྱིན་པ་བཅོས་པ་དང་། འབྲེག་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ་ཞེས་སྨྲས་ན་དགེ་སློང་སྤ་གོང་བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་དགེ་སློང་ལ་ལྟུང་
D3.006.0235b07.01