完整藏文原文 · 德格版页 当前仅加载第 89 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་ལྡན་ལྷར་ནི་རབ་ཏུ་འགྱུར། །བཅོམ་ལྡན་བདག་ཅག་རབ་དགའ་ནས། །ལྷ་ཡི་རྣམ་སྨིན་མཆོག་སྤངས་ནས། །འཛམ་གླིང་དག་ཏུ་གནས་ནས་ནི། །མདོ་སྡེ་འདི་ནི་སྒྲོགས་པར་བགྱིད། །དེ་ནས་མི་མཇེད་ཀྱི་
D555.089.0150a01.01འཇིག་རྟེན་གྱི་ཁམས་ཀྱི་བདག་པོ་ཚངས་པ་ལྷའི་རྒྱལ་པོས། གུས་པས་ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། བསམ་གཏན་རྣམས་དང་ཐེག་རྣམས་དང་། །རྣམ་ཐར་ཚད་མེད་ཐམས་ཅད་ཀྱང་། །མདོ་སྡེ་འདི་ལས་བྱུང་བས་ན། །དེ་
D555.089.0150a02.01སླད་མདོ་འདི་རབ་ཏུ་གསུངས། །མདོ་སྡེ་འདི་ནི་སྟོན་པའི་གནས། །ཚངས་པའི་བདེ་བ་བདག་སྤངས་ནས། །མདོ་སྡེ་འདི་ནི་མཉན་པའི་སླད། །རྟག་པར་ཡོངས་སུ་སྲུང་སྐྱོབ་བགྱིད། །དེ་ནས་བདུད་ཀྱི་རྒྱལ་པོའི་བུ་ཚོང་དཔོན་ཞེས་བྱ་བས་ཡང་གུས་
D555.089.0150a03.01པས་ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། ཡང་དག་དོན་དང་ལྡན་པའི་མདོ། །བདུད་སྤྱོད་རྗེས་སུ་མི་འབྲང་ཞིང་། །བདུད་ཀྱི་ལས་ངན་སྦྱོང་བགྱིད་པ། །འདི་ནི་གང་ཞིག་འཛིན་བགྱིད་ན། །བདག་ཀྱང་མདོ་སྡེ་འདི་ལ་ནི། །བརྩོན་པ་
D555.089.0150a04.01དག་གིས་རབ་བསྲུངས་ནས། །བརྩོན་འགྲུས་ཆེན་པོའི་སེམས་བསྐྱེད་དེ། །ཀུན་དུ་རྒྱ་ཆེར་སྤེལ་བར་བགྱིད། །དེ་ནས་བདུད་ཀྱི་རྒྱལ་པོས་གུས་པས་ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། གང་ཞིག་མདོ་སྡེ་འདི་བཟུང་ནས། །ཉོན་མོངས་
D555.089.0150a05.01རྣམས་ནི་ཕམ་བགྱིད་པ། །དེ་འདྲའི་སེམས་ཅན་དེ་དག་ལ། །སྲུང་སྐྱོབ་བདེ་ལ་འགོད་པར་བགྱིད། །མདོ་སྡེ་འདི་ནི་གང་འཆང་བ། །བདུད་རྣམས་ཀྱིས་ནི་གླགས་མི་རྙེད། །བཅོམ་ལྡན་བྱིན་གྱིས་བརླབས་ཀྱི་མཐུས། །བདག་གིས་དེ་ལ་སྲུང་
D555.089.0150a06.01བར་བགྱིད། །དེ་ནས་ལྷའི་བུ་བཀྲ་ཤིས་དམ་པས་བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་གསོལ་པ། སངས་རྒྱས་རྣམས་ཀྱི་བྱང་ཆུབ་མཆོག །མདོ་སྡེ་འདི་ལས་བསྟན་པས་ན། །གང་ཞིག་མདོ་སྡེ་འཛིན་བགྱིད་པ། །དེ་བཞིན་གཤེགས་
D555.089.0150a07.01