完整藏文原文 · 德格版页 当前仅加载第 89 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོའོ། །དེ་ཅིའི་ཕྱིར་ཞེ་ན། མཆོད་པ་བྱས་པའི་བསོད་ནམས་གང་ཡིན་པ་དེ་ནི་གྲངས་དང་བཅས་ཤིང་ཚད་དང་བཅས་པས་བསོད་ནམས་ཐམས་ཅད་ཡོངས་སུ་སྡུད་པར་མི་འགྱུར་ལ་རྗེས་སུ་ཡི་རང་བའི་བསོད་ནམས་གང་ཡིན་པ་དེ་ལ་ནི་ཚད་མེད་ཅིང་གྲངས་
D555.089.0053a01.01མེད་པས་དུས་གསུམ་གྱི་བསོད་ནམས་ཐམས་ཅད་ཡོངས་སུ་སྡུད་པར་བྱེད་པས་དེའི་ཕྱིར་གང་ལ་ལ་ཞིག་དགེ་བའི་རྩ་བ་ཁྱད་པར་ཅན་འཕེལ་བར་འདོད་པས་འདི་ལྟར་རྗེས་སུ་ཡི་རང་བའི་བསོད་ནམས་མངོན་པར་བསྒྲུབ་པར་བྱའོ། །བུད་མེད་གང་ལ་ལ་ཞིག་བུད་མེད་ཀྱི་ལུས་ཡོངས་
D555.089.0053a02.01སུ་བསྒྱུར་ནས་སྐྱེས་པའི་ལུས་ཡོངས་སུ་འགྲུབ་པར་འདོད་ན་ཡང་རྗེས་སུ་ཡི་རང་བའི་བསོད་ནམས་མངོན་པར་སྒྲུབ་པར་བྱེད་ན་གདོན་མི་ཟ་བར་ཡིད་ལ་བསམས་པ་བཞིན་དུ་ཚེ་འདི་ཉིད་ལ་སྐྱེས་པའི་ལུས་མངོན་པར་འགྲུབ་པར་འགྱུར་རོ། །དེ་ནས་བཅོམ་ལྡན་འདས་ལ་བརྒྱ་བྱིན་
D555.089.0053a03.01ལྷའི་དབང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་རྗེས་སུ་ཡི་རང་བའི་བསོད་ནམས་གང་ལགས་པ་དེ་ནི་འཚལ་བར་གྱུར་ན་སླད་མའི་བྱང་ཆུབ་སེམས་དཔའ་ཐམས་ཅད་ཆོས་ཀྱི་འཁོར་ལོ་བསྐོར་བར་འགྱུར་བ་དང་། ད་ལྟར་གྱི་བྱང་ཆུབ་སེམས་དཔའ་རྣམས་ཡང་
D555.089.0053a04.01དག་པའི་རྣལ་འབྱོར་སྒོམ་པར་འགྱུར་བར་བགྱིད་པའི་སླད་དུ་བསྐུལ་བ་དང་། གསོལ་བ་བཏབ་པའི་བསོད་ནམས་གང་ལགས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷའི་དབང་པོ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་བླ་ན་མེད་པ་
D555.089.0053a05.01ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བ་གང་ཡིན་པ་དེས་ཉན་ཐོས་དང་། རང་སངས་རྒྱས་དང་། ཐེག་པ་ཆེན་པོའི་ལམ་བསྒོམ་པར་འདོད་ན་ཡང་གང་ཟག་དེས་ཉིན་མཚན་དུས་དྲུག་ཏུ་སྔ་མ་ལྟ་བུའི་སྤྱོད་ལམ་གྱིས་སེམས་རྩེ་གཅིག་དུ་དྲན་པ་ཉེ་བར་གཞག་
D555.089.0053a06.01ནས་འདི་སྐད་དུ་དེང་བདག་ཕྱོགས་བཅུ་ན་སངས་རྒྱས་བཅོམ་ལྡན་འདས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བརྙེས་པར་གྱུར་ཀྱང་བླ་ན་མེད་པའི་ཆོས་ཀྱི་འཁོར་ལོ་ད་དུང་མ་བསྐོར་བ་དང་། རྣམ་པར་སྨིན་པའི་སྐུ་སྤངས་ནས་ཡོངས་སུ་མྱ་ངན་ལས་འདའ་བར་
D555.089.0053a07.01