完整藏文原文 · 德格版页 当前仅加载第 89 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་རིག་པར་གྱུར་ནས་ནི། །ནད་བཞིན་སྨན་ནི་གཏང་བར་བྱ། །འཆི་བའི་མཚན་མ་མེད་གྱུར་ན། །མི་དེ་གསོར་རུང་བ་ཞེས་བྱ། །དབང་པོས་ལོག་པར་ཡུལ་འཛིན་ཅིང་། །བླ་མ་སྨན་པ་དག་ལ་བརྙས། །ཉེ་དུ་དག་ལ་ཁོང་ཁྲོ་ན། །འཆི་བའི་མཚན་མར་
D555.089.0132a01.01ཤེས་པར་བྱ། །མིག་ཡོན་ཁ་དོག་དཀར་འགྱུར་ཞིང་། །ལྕེ་གནག་སྣ་ཟུར་ཡོ་བ་དང་། །རྣ་བའི་འཁོར་ལོ་སྔོ་ལས་གྱུར། །མ་མཆུ་ཐུར་འཕྱང་འཆི་བའི་མཚན། །ཨ་རུ་ར་ནི་རྣམ་གཅིག་ལ། །རོ་ནི་རྣམ་པ་དྲུག་ལྡན་ཏེ། །ནད་ནི་ཐམས་ཅད་སེལ་བྱེད་པས། །ཉེས་མེད་སྨན་རྣམས་
D555.089.0132a02.01ཀུན་གྱི་རྒྱལ། །འབྲས་བུ་གསུམ་དང་ཚ་བ་གསུམ། །སྨན་རྣམས་ནང་ན་རྙེད་པར་སླ། །བུ་རམ་སྦྲང་རྩི་འོ་མ་མར། །འདི་དག་ནད་མང་གསོ་བར་ནུས། །དེ་ལས་གཞན་པའི་སྨན་རྣམས་ནི། །ནད་དང་སྦྱར་ཏེ་བསྐྱེད་པར་བྱ། །སྔར་ནི་བརྩེ་བའི་སེམས་བསྐྱེད་ནས། །ནོར་དང་ཁེ་ལ་བལྟ་
D555.089.0132a03.01མི་བྱ། །ངས་ནི་ཁྱོད་ལ་ནད་གསོ་བའི། །གཅེས་པའི་དོན་ནི་བསྟན་པ་ཡིན། །འདི་ཡིས་སེམས་ཅན་གསོ་བྱས་ན། །མཐའ་མེད་འབྲས་བུ་ཐོབ་པར་འགྱུར། །རིགས་ཀྱི་ལྷ་མོ་དེ་ནས་ཚོང་དཔོན་གྱི་བུ་ཆུ་འབེབས་ཕ་ལས་མངོན་སུམ་དུ་ཤེས་པའི་ཡན་ལག་བརྒྱད་ཀྱི་དོན་ཤེས་པ་
D555.089.0132a04.01དང་། འབྱུང་བ་ཆེན་པོ་བཞི་འཕེལ་ཞིང་འགྲིབ་པ་དང་། དུས་ཚིགས་མི་མཐུན་པ་དང་། སྨན་དཔྱད་ཀྱི་ཆོ་ག་ཐོས་པས་ལེགས་པར་ཁོང་དུ་ཆུད་པར་གྱུར་ནས། བདག་ཉིད་ནད་མང་པོ་གསོ་ནུས་པར་རིག་པར་གྱུར་པས་གྲོང་དང་། གྲོང་ཁྱེར་དང་། གྲོང་རྡལ་ཀུན་དུ་ཁྱབ་པར་
D555.089.0132a05.01དེ་དང་དེ་དག་ཏུ་སོང་སྟེ། ནད་ཀྱི་སྡུག་བསྔལ་དང་ལྡན་པའི་སེམས་ཅན་འབུམ་ཕྲག་བརྒྱ་སྟོང་དུ་མ་དེའི་ཐད་དུ་ལྷགས་པ་རྣམས་ལ་ལེགས་པའི་ཚིག་གིས་སྤྲོ་བ་བསྐྱེད་ནས་འདི་སྐད་དུ་ང་ནི་སྨན་པའོ། །ང་ནི་སྨན་པ་སྟེ། སྨན་དཔྱད་ལ་ཤིན་ཏུ་མཁས་པས་དེང་ཁྱེད་ཅག་གི་ནད་མང་
D555.089.0132a06.01པོ་གསོས་ནས་ཐམས་ཅད་སོས་པར་བྱའོ་ཞེས་སྨྲས་སོ། །རིགས་ཀྱི་ལྷ་མོ་དེའི་ཚེ་མི་མང་པོ་རྣམས་ཚོང་དཔོན་གྱི་བུས་ལེགས་པའི་ཚིག་གིས་སྤྲོ་བ་བསྐྱེད་ནས་ནད་གསོ་བར་གནང་བ་ཐོས་པ་དང་། དེ་ནས་སེམས་ཅན་ནད་ཚབས་ཆེན་པོས་བཏབ་པ་བརྒྱ་སྟོང་ཚད་མེད་པ་སྙེད་ཅིག་ཚིག་
D555.089.0132a07.01