完整藏文原文 · 德格版页 当前仅加载第 89 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་སྙེད་ཡོངས་སུ་མྱ་ངན་ལས་བཟླས་ནས་ཐམས་ཅད་ཀྱིས་དགྲ་བཅོམ་པའི་འབྲས་བུ་ཐོབ་པས་ཟག་པ་རྣམས་ཟད་ནས་རིག་པ་གསུམ་དང་། མངོན་པར་ཤེས་པ་དྲུག་དང་། ཐོགས་པ་མེད་པའི་རང་དབང་དང་ལྡན་པར་གྱུར་ཏོ། །
D555.089.0058b01.01འདུས་པ་གཉིས་པའི་ཚེ་ཡང་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་དགུ་བཅུ་ཡོངས་སུ་མྱ་ངན་ལས་བཟླས་ནས་ཐམས་ཅད་ཀྱིས་དགྲ་བཅོམ་པའི་འབྲས་བུ་ཐོབ་ནས་ཟག་པ་རྣམས་ཟད་ནས་རིག་པ་གསུམ་དང་། མངོན་པར་ཤེས་པ་དྲུག་དང་། ཐོགས་པ་མེད་
D555.089.0058b02.01པའི་རང་དབང་དང་ལྡན་པར་གྱུར་ཏོ། །འདུས་པ་གསུམ་པའི་ཚེ་ན་ཡང་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་བརྒྱ་སྟོང་དགུ་བཅུ་ཡོངས་སུ་མྱ་ངན་ལས་བཟླས་ནས་ཐམས་ཅད་ཀྱིས་དགྲ་བཅོམ་པའི་འབྲས་བུ་ཐོབ་པས་ཞེས་བྱ་བ་ཡང་རྒྱས་པར་གོང་མ་བཞིན་ནོ། །རིགས་
D555.089.0058b03.01ཀྱི་བུ་ང་དེའི་ཚེ་བུད་མེད་ཀྱི་ལུས་སུ་གྱུར་ཏེ། མིང་ནི་བསོད་ནམས་རིན་པོ་ཆེའི་འོད་ཅེས་བྱའོ། །འདུས་པ་གསུམ་པའི་ཚེ་ཡང་བཅོམ་ལྡན་འདས་དེ་ལ་ཉེ་བར་བསྙེན་ནས་གསེར་འོད་དམ་པའི་མདོ་སྡེ་འདི་ཡོངས་སུ་བཟུང་སྟེ་བཀླག་པ་དང་། ཁ་ཏོན་དུ་བཏོན་ནས་གཞན་དག་ལ་
D555.089.0058b04.01རྒྱ་ཆེར་ཡང་དག་པར་བསྟན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡོངས་སུ་གཉེར་བའི་ཕྱིར་དེའི་ཚེ་བཅོམ་ལྡན་འདས་དེས་ང་ལ་བུ་མོ་བསོད་ནམས་རིན་པོ་ཆེའི་འོད་འདི་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D555.089.0058b05.01རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། བླ་ན་མེད་པའི། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་ཏེ། བུད་མེད་ཀྱི་ལུས་
D555.089.0058b06.01སྤངས་ནས་དེ་ཚུན་ཆད་ངན་འགྲོ་བཞི་ལས་ཡང་དག་པར་འདས་ཏེ། ལྷ་དང་མིའི་ནང་དུ་སྐྱེས་ནས་བདེ་བའི་མཆོག་མྱོང་བར་གྱུར་ཏོ། །ཚེ་རབས་སྟོང་ཕྲག་བཞི་བརྒྱ་བརྒྱད་ཅུའི་བར་དུ་འཁོར་ལོས་སྒྱུར་བའི་རྒྱལ་པོ་བྱས་ཏེ། དེང་ཡང་དག་པར་མངོན་པར་རྫོགས་པར་སངས་
D555.089.0058b07.01