完整藏文原文 · 德格版页 当前仅加载第 89 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྡུད་ཅིང་སྐྱེད་པར་བྱེད་དོ། །རིགས་ཀྱི་བུ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་རྣམ་པ་བཅུ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ས་དང་པོ་ལས་ཐོབ་པའི་
D555.089.0068a01.01གཟུངས་གང་ཡིན་པ་དེ་ནི་ཡོན་ཏན་ལ་གནས་པའི་སྟོབས་ཞེས་བྱའོ། །དེ་ནས་བཅོམ་ལྡན་འདས་ཀྱིས་གཟུངས་སྔགས་བཀའ་སྩལ་པ། ཏདྱ་ཐཱ། པཱུརྞ་མ་ནོར་ཐེ། དོ་ཧོ་དོ་ཧོ། ཡཱ་བཏ་སཱུརྱ། ཨ་བ་བྷཱ་ས་ཏཱ། ཡཱ་བད་ཙནྡྲེ། དཽ་དནྟེ། ཏཱ་བད་རཀྵ་མཱན་དཎྜ་
D555.089.0068a02.01པ་རི་ཧཱ་རཾ་ཀུ་རུ་སྭཱ་ཧཱ། རིགས་ཀྱི་བུ་གཟུངས་འདི་ནི་གང་གཱའི་ཀླུང་གི་བྱེ་མ་སྙེད་ཀྱི་གྲངས་ལས་འདས་པའི་སངས་རྒྱས་རྣམས་ཀྱིས་ས་དང་པོའི་བྱང་ཆུབ་སེམས་དཔའ་ཡོངས་སུ་བསྲུང་བའི་ཕྱིར་གསུངས་པ་ཡིན་ཏེ། གང་ལ་ལ་ཞིག་གིས་གཟུངས་སྔགས་འདི་ཁ་ཏོན་དུ་འདོན་
D555.089.0068a03.01ཅིང་ཡོངས་སུ་འཛིན་པར་བྱེད་ན་འདི་ལྟ་སྟེ། སྟག་དང་། སྤྱང་ཀི་དང་། སེང་གེ་དང་། གཅན་གཟན་མ་རུངས་པའི་རིགས་ཀྱི་རྣམ་པ་དང་། {ཡི་དགས་,ཡི་དྭགས་}མ་རུངས་པ་དང་། མི་དང་། མི་མ་ཡིན་པ་ལ་སོགས་པས་ཕྱིར་རྒོལ་བ་དང་། གདོན་བགེགས་དང་། སྡུག་
D555.089.0068a04.01བསྔལ་གྱིས་འཚེ་བའི་འཇིགས་པ་ཐམས་ཅད་ལས་ཐར་བར་འགྱུར་ཞིང་སྒྲིབ་པ་ལྔ་ལས་རྣམ་པར་གྲོལ་ནས་ས་དང་པོ་མི་བརྗེད་ཅིང་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ས་གཉིས་པ་ལས་ཐོབ་པའི་གཟུངས་གང་ཡིན་པ་དེ་ནི་
D555.089.0068a05.01ཤིན་ཏུ་བདེ་བའི་གནས་ཞེས་བྱའོ། །ཏདྱ་ཐཱ། ཨུཏྟོ་ལི། ཙི་རི་ཙི་རི། ཨུཏྟོ་རཱ་ཏོ་རཱ་ཎཱ་མ། ཤཱནྟོ། ཤཱནྟོ། ཨུཏྟོ་ལི། ཧུ་ལུ་ཧུ་ལུ་སྭཱ་ཧཱ། རིགས་ཀྱི་བུ་གཟུངས་སྔགས་འདི་ནི་གང་གཱའི་ཀླུང་གཉིས་ཀྱི་བྱེ་མ་སྙེད་ཀྱི་གྲངས་ལས་འདས་པའི་སངས་རྒྱས་རྣམས་ཀྱིས་ས་
D555.089.0068a06.01གཉིས་པའི་བྱང་ཆུབ་སེམས་དཔའ་ཡོངས་སུ་བསྲུང་བའི་ཕྱིར་གསུངས་པ་ཡིན་ཏེ། གང་ལ་ལ་ཞིག་གིས་གཟུངས་སྔགས་འདི་ཁ་ཏོན་དུ་འདོན་ཅིང་ཡོངས་སུ་འཛིན་པར་བྱེད་ན་གཅན་གཟན་མ་རུངས་པ་དང་། {ཡི་དགས་,ཡི་དྭགས་}མ་རུངས་པ་དང་། མི་དང་མི་མ་ཡིན་པ་ལ་སོགས་པས་
D555.089.0068a07.01