完整藏文原文 · 德格版页 当前仅加载第 89 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ད་ལྟར་ཕྱོགས་བཅུར་བཞུགས་པའི་སངས་རྒྱས་ཀུན། །མདོ་སྡེའི་རྒྱལ་པོ་འདི་ནི་གསུང་དགོངས་པས། །ཀློག་འདོན་འཛིན་པ་དག་ནི་གཟིགས་གྱུར་ན། །ལེགས་སོ་ངོ་མཚར་ཆེ་ཞེས་བསྔགས་པར་འགྱུར། །གང་ཞིག་མདོ་སྡེ་འདི་ནི་ཉན་བྱེད་ན། །ལུས་དང་
D555.089.0098b01.01སེམས་ནི་དགའ་རངས་མགུ་བ་སྐྱེ། །རྟག་པར་གནོད་སྦྱིན་བརྒྱ་ཕྲག་མང་པོ་ཡིས། །གང་དུ་གནས་པ་དེར་ནི་དེ་སྲུང་བྱེད། །འཇིག་རྟེན་ཁམས་འདིའི་ལྷ་ནི་མང་པོ་རྣམས། །དེ་ཡི་གྲངས་ནི་ཚད་མེད་བསམ་མི་ཁྱབ། །ཐམས་ཅད་མདོ་སྡེའི་དབང་པོ་འདི་ཉན་པས། །རབ་
D555.089.0098b02.01དགའ་སྲུང་བྱེད་ནུར་བ་ཅི་ཡང་མེད། །གང་ཞིག་མདོ་སྡེའི་རྒྱལ་པོ་འདི་མཉན་ན། །མཐུ་ཆེ་རབ་དཔའ་རྟག་པར་དབང་དང་ལྡན། །མི་ཡི་འཁོར་མང་ཐམས་ཅད་ཕན་འདོགས་པས། །གནོད་པ་རབ་སྤོང་སྣང་བ་འཕེལ་བར་བྱེད། །དེ་ནས་རྒྱལ་པོ་ཆེན་པོ་བཞི་པོ་དག་གིས་ཚིགས་
D555.089.0098b03.01སུ་བཅད་པ་འདི་དག་ཐོས་ནས། དགའ་མགུ་རངས་པར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ནི་སྔོན་ཆད་ནམ་ཡང་མདོ་སྡེ་ཟབ་མོ་ཤིན་ཏུ་གྱ་ནོམ་པ་འདི་ལྟ་བུ་མ་ཐོས་སོ་ཞེས་རབ་ཏུ་དགའ་བའི་ཤུགས་ཀྱིས་མཆི་མ་
D555.089.0098b04.01བླགས་ཏེ་ངུས་ནས་ལུས་ཀྱི་ཡན་ལག་འདར་ཞིང་གཡོ་བར་གྱུར་ཏེ། ངོ་མཚར་རྨད་དུ་བྱུང་བའི་དངོས་པོ་བསམ་གྱིས་མི་ཁྱབ་པ་མངོན་དུ་གྱུར་པས་ལྷའི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དག་གིས་བཅོམ་ལྡན་འདས་ལ་མངོན་པར་གཏོར་ཏེ། ཁྱད་པར་དུ་འཕགས་
D555.089.0098b05.01པའི་མཆོད་པ་བྱས་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་ལ་སོ་སོ་ནས་གནོད་སྦྱིན་གྱི་འཁོར་ལྔ་བརྒྱ་ལྔ་བརྒྱ་མཆིས་པས་རྟག་པར་གནས་དེ་དང་དེ་དག་ཏུ་མདོ་སྡེ་འདི་དང་། ཆོས་སྨྲ་བ་དེ་དག་ལ་ཡོངས་སུ་
D555.089.0098b06.01བསྲུང་ཞིང་ཡོངས་སུ་སྐྱོབ་པར་བྱེད་པས་ཡེ་ཤེས་ཀྱི་སྣང་བས་ཡོངས་སུ་སྐྱོབ་པར་བགྱིད་དོ། །གལ་ཏེ་མདོ་སྡེ་འདིའི་ཚིག་དང་། དོན་བསྐྱུད་པ་ཞིག་མཆིས་ན་ཡང་བདག་ཅག་གིས་དེ་དག་རྗེས་སུ་དྲན་ཞིང་མི་བསྐྱུད་པར་བགྱི་བའི་སླད་དུ་གཟུངས་ཀྱི་སྒོ་ཤིན་ཏུ་ཁྱད་པར་དུ་
D555.089.0098b07.01