完整藏文原文 · 德格版页 当前仅加载第 89 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བྱེད་ལྷ་རྣམས་དང་། །འཕྲུལ་དགའི་ལྷ་ནི་དེ་དག་དང་། །དགའ་ལྡན་པ་ཡི་ལྷ་ཚོགས་དང་། །བྱམས་པ་མངོན་པར་རྫོགས་འགྱུར་དང་། །འཐབ་བྲལ་བ་ཡི་ལྷ་རྣམས་དང་། །སུམ་ཅུ་རྩ་གསུམ་ལྷ་དག་དང་། །རྒྱལ་ཆེན་རིས་བཞིའི་ལྷ་ཚོགས་དང་། །ལྷ་མང་
D555.089.0110b01.01འཁོར་ནི་ཐམས་ཅད་དང་། །ས་ཆུ་མེ་རླུང་ལྷ་རྣམས་དང་། །རི་རབ་བརྟེན་ནས་གནས་པ་དང་། །མཚོ་བདུན་རི་ཡི་ལྷ་ཚོགས་རྣམས། །འཁོར་ནི་མང་པོར་བཅས་པ་དང་། །ནོར་རྒྱས་དང་ནི་མགོ་ལྔ་དང་། །ཉི་ཟླ་གཟའ་སྐར་ལྷ་དག་དང་། །འདི་ལ་སོགས་པའི་ལྷ་མང་པོ། །
D555.089.0110b02.01འཇིག་རྟེན་བདེ་བར་བྱེད་པས་ན། །འདི་ལ་སོགས་པའི་ལྷ་མང་པོ། །སྡིག་པའི་ལས་ནི་མི་བྱེད་མོས། །སངས་རྒྱས་གུས་པ་འཕྲོག་མ་དང་། །དེ་ཡི་བུ་སྡུག་ཐ་{ཆུངས་,ཆུང་}དང་། །ལྷ་དང་ཀླུ་དང་གནོད་སྦྱིན་དང་། །དྲི་ཟ་དང་ནི་ལྷ་མ་ཡིན། །མི་འམ་ཅི་ཡི་འཁོར་རྣམས་དང་། །
D555.089.0110b03.01ལྟོ་འཕྱེ་ཆེན་པོ་ལ་སོགས་པ། །བདག་ནི་བཅོམ་ལྡན་མཐུ་སྟོབས་ཀྱིས། །དེ་དག་ཐམས་ཅད་སྤྱན་འདྲེན་ན། །བྱམས་དང་སྙིང་རྗེའི་སེམས་བསྐྱེད་ནས། །བདག་ལ་ཐོགས་མེད་སྤོབས་པ་སྩོལ། །ལྷ་དང་མི་ཡི་འཁོར་རྣམས་ལས། །གཞན་གྱི་སེམས་ནི་རིག་གྱུར་པ། །
D555.089.0110b04.01ཐམས་ཅད་བྱིན་གྱིས་བརླབས་ནས་ནི། །བདག་ལ་སྤོབས་པ་དམ་པ་སྩོལ། །ནམ་མཁའི་ཁམས་ནི་མཐར་ཐུག་དང་། །ཆོས་ཀྱི་དབྱིངས་ཀྱིས་ཀླས་པ་ན། །སེམས་ཅན་རྣམ་པ་ཇི་སྙེད་པས། །བདག་ལ་སྤོབས་པ་དམ་པ་སྩོལ། །དེ་ནས་ལྷ་མོ་སྤོབས་པ་ཆེན་མོས་དེ་སྐད་ཅེས་
D555.089.0110b05.01གསོལ་བ་བཏབ་པ་ཐོས་པ་དང་བྲམ་ཟེ་དེ་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་ཆེན་པོ་ལེགས་སོ། །སྐྱེས་པའམ། བུད་མེད་གང་ལ་ལ་ཞིག་སྔགས་དེ་དང་། སྔགས་ཀྱི་མངོན་པར་བསྟོད་པ་དེ་དག་ལ་བརྟེན་ནས་སྔར་གོང་དུ་བསྟན་པ་བཞིན་དུ་ཆོ་ག་ཡང་དག་པར་བླངས་ཏེ།
D555.089.0110b06.01དཀོན་མཆོག་གསུམ་ལ་གུས་པས་སྐྱབས་སུ་འགྲོ་ཞིང་སེམས་རྩེ་གཅིག་ཏུ་དྲན་པ་ཉེ་བར་འཇོག་པར་བྱེད་ན་ཅི་དང་ཅི་བསྒྲུབས་པ་ཐམས་ཅད་ཆུད་ཟ་བར་མི་འགྱུར་རོ། །གཞན་ཡང་གསེར་འོད་དམ་པ་ཤིན་ཏུ་གྱ་ནོམ་པའི་མདོ་སྡེ་འདི་ཡང་དག་པར་བཟུང་སྟེ། ཀློག་ཅིང་འདོན་པར་བྱེད་ན་
D555.089.0110b07.01