完整藏文原文 · 德格版页 当前仅加载第 89 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
ལྕི་བ་རྣམས། །དེང་བདག་སྟོབས་བཅུའི་སྤྱན་སྔར་ནི། །ཐམས་ཅད་རྩེ་གཅིག་རབ་ཏུ་བཤགས། །བདག་གིས་སངས་རྒྱས་ཡིད་མ་ཆེས། །བླ་མ་གཉེན་བཤེས་མ་གུས་དང་། །དགེ་བ་མང་པོ་མ་སྤྱད་པས། །རྟག་ཏུ་ལས་ངན་བགྱིས་པའམ། །
D555.089.0044a01.01བདག་གིས་མཐོ་བཙུན་རུས་རིགས་དང་། །ལོངས་སྤྱོད་དག་ནི་སྙེམས་པ་དང་། །དར་ལ་བབ་པས་དྲེགས་གྱུར་ནས། །རྟག་ཏུ་ལས་ངན་བགྱིས་པའམ། །རྟག་ཏུ་ལོག་པའི་བསམ་བསྐྱེད་ནས། །ངག་གིས་ཚིག་ངན་སྨྲས་པ་དང་། །ཁ་ན་མ་ཐོ་མ་མཐོང་ནས། །རྟག་ཏུ་ལས་ངན་
D555.089.0044a02.01བགྱིས་པ་འམ། །རྟག་ཏུ་བྱིས་པའི་བློ་སྤྱད་ནས། །མ་རིག་མུན་པས་སེམས་གཡོགས་དང་། །མི་དགེའི་གྲོགས་པོའི་རྗེས་འབྲངས་ནས། །རྟག་ཏུ་ལས་ངན་བགྱིས་པ་འམ། །རྩེད་མོ་དགའ་བ་རྣམས་ཀྱི་རྒྱུས། །མྱ་ངན་དག་དང་ལྡན་འགྱུར་ཞིང་། །འདོད་ཆགས་
D555.089.0044a03.01ཞེ་སྡང་དཀྲིས་པས་ན། །དེ་སླད་སྡིག་རྣམས་བགྱིས་པ་འམ། །མི་དགེའི་གྲོགས་པོ་བསྟེན་པ་དང་། །ཕྲག་དོག་སེར་སྣ་བསམ་པ་དང་། །དབུལ་ཕོངས་གྱ་གྱུ་སྤྱད་པས་ན། །དེ་སླད་སྡིག་རྣམས་བགྱིས་པ་འམ། །སྡིག་མང་དག་ལ་མི་མོས་ཀྱང་། །འཇིགས་སྐྲག་དག་དང་བཅས་
D555.089.0044a04.01པའམ། །རང་དབང་དག་ནི་མ་མཆིས་པས། །དེ་སླད་སྡིག་རྣམས་བགྱིས་པ་འམ། །རྣམ་པར་གཡེང་བའི་བསམ་པ་དང་། །ཁོང་ཁྲོ་འཁོན་དུ་འཛིན་པ་དང་། །བཀྲེས་སྐོམ་དག་གིས་གདུངས་པའི་རྒྱུས། །དེ་སླད་སྡིག་རྣམས་བགྱིས་པ་འམ། །བཟའ་དང་བཏུང་
D555.089.0044a05.01དང་གོས་དག་དང་། །བུད་མེད་དག་ལ་ཆགས་སྲིད་པའི། །ཉོན་མོངས་མེས་ནི་བསྲེགས་པས་ན། །དེ་སླད་སྡིག་རྣམས་བགྱིས་པ་འམ། །སངས་རྒྱས་ཆོས་དང་དགེ་འདུན་ལ། །གུས་པའི་སེམས་ནི་མ་སྐྱེད་པའི། །འདི་འདྲའི་སྡིག་མང་གང་བགྱིས་པ། །དེང་
D555.089.0044a06.01བདག་ཐམས་ཅད་སོ་སོར་བཤགས། །རང་རྒྱལ་བྱང་ཆུབ་སེམས་དཔའ་ལ། །གུས་པའི་སེམས་ནི་མ་མཆིས་པའི། །འདི་འདྲའི་སྡིག་མང་གང་བགྱིས་པ། །དེང་བདག་ཐམས་ཅད་སོ་སོར་བཤགས། །མི་ཤེས་དམ་ཆོས་སྐུར་པ་དང་། །ཕ་མ་སྲི་ཞུ་མ་
D555.089.0044a07.01