完整藏文原文 · 德格版页 当前仅加载第 89 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ནུས་པ་དང་། བྱམས་པ་དང་། སྙིང་རྗེའི་བསམ་པ་བསྐྱེད་ནས་སེམས་ཅན་གྱི་དགེ་བའི་རྩ་བ་རྣམས་ཡོངས་སུ་སྨིན་པར་བྱེད་པ་དང་། མི་སྐྱེ་བའི་ཆོས་ཀྱི་བཟོད་པ་ཟབ་མོ་ཐོབ་པར་གྱུར་པ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་
D555.089.0063a01.01སེམས་དཔའ་ཆེན་པོ་རྣམས་ཀྱི་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །
D555.089.0063a02.01ལྔ་གང་ཞེ་ན། ཉོན་མོངས་པ་རྣམས་དང་ལྷན་ཅིག་གནས་པར་མི་མོས་པ་དང་བསོད་ནམས་ཡོངས་སུ་རྫོགས་པར་མ་གྱུར་གྱི་བར་དུ་བདེ་བ་ཉམས་སུ་ལེན་པར་མི་བྱེད་པ་དང་། དཀའ་བ་སྣ་ཚོགས་སྤྱོད་པ་ལ་ཡོངས་སུ་སྐྱོ་བའི་བསམ་པ་མི་སྐྱེ་བ་དང་། བྱམས་པ་དང་སྙིང་རྗེ་
D555.089.0063a03.01ཆེན་པོས་ཡོངས་སུ་བསྡུས་ནས་ཕན་འདོགས་པའི་ཐབས་མཁས་པས་སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་དང་། ཕྱིར་མི་ལྡོག་པའི་ས་ཡོངས་སུ་གཉེར་བར་སྨོན་པ་གང་ཡིན་པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བརྩོན་
D555.089.0063a04.01འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཞེས་བྱའོ། །རིགས་ཀྱི་བུ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཆོས་རྣམ་པ་ལྔ་ལ་བརྟེན་ནས་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ལྔ་གང་ཞེ་ན། དགེ་བའི་ཆོས་རྣམས་
D555.089.0063a05.01ཡོངས་སུ་བསྡུས་ནས་རྣམ་པར་རྟོག་པར་མི་བྱེད་པའི་ཕྱིར་དང་། རྟག་པར་རྣམ་པར་གྲོལ་བར་སྨོན་ཅིང་མཐའ་གཉིས་ལ་མངོན་པར་ཞེན་པར་མི་བྱེད་པའི་ཕྱིར་དང་། མངོན་པར་ཤེས་པ་ཐོབ་ནས་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་སྨིན་པར་བྱེད་པར་སྨོན་པའི་ཕྱིར་དང་།
D555.089.0063a06.01ཆོས་ཀྱི་དབྱིངས་ཡོངས་སུ་སྦྱངས་ནས་སེམས་ཀྱི་དྲི་མ་སེལ་བར་བྱེད་པའི་ཕྱིར་དང་། སེམས་ཅན་གྱི་ཉོན་མོངས་པའི་རྩ་བ་ཡོངས་སུ་གཅོད་པར་བྱེད་པའི་ཕྱིར་ཏེ། རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་
D555.089.0063a07.01