完整藏文原文 · 德格版页 当前仅加载第 89 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་རྒོལ་བ་དང་། གདོན་བགེགས་དང་། སྡུག་བསྔལ་གྱིས་འཚེ་བའི་འཇིགས་པ་ཐམས་ཅད་ལས་ཐར་བར་འགྱུར་ཞིང་སྒྲིབ་པ་ལྔ་ལས་རྣམ་པར་གྲོལ་ནས་ས་གཉིས་པ་མི་བརྗེད་ཅིང་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་
D555.089.0068b01.01པོས་ས་གསུམ་པ་ལས་ཐོབ་པའི་གཟུངས་གང་ཡིན་པ་དེ་ནི་ཤིན་ཏུ་རྒྱལ་བར་དཀའ་བའི་སྟོབས་ཞེས་བྱའོ། །ཏདྱ་ཐཱ། དནྠི་ཀེ། པནྠི་ཀེ། ཀ་ར་ཐཱ། ཀཽ་ར་ཐི། ཀེ་ཡཱུ་རེ། དནྟེ་ལེ་སྭཱ་ཧཱ། རིགས་ཀྱི་བུ་གཟུངས་འདི་ནི་གང་གཱའི་ཀླུང་གསུམ་གྱི་བྱེ་མ་སྙེད་ཀྱི་གྲངས་ལས་འདས་
D555.089.0068b02.01པའི་སངས་རྒྱས་རྣམས་ཀྱིས་ས་གསུམ་པའི་བྱང་ཆུབ་སེམས་དཔའ་ཡོངས་སུ་བསྲུང་བའི་ཕྱིར་གསུངས་པ་ཡིན་ཏེ། གང་ལ་ལ་ཞིག་གིས་གཟུངས་སྔགས་འདི་ཁ་ཏོན་དུ་འདོན་ཅིང་ཡོངས་སུ་འཛིན་པར་བྱེད་ན་གཅན་གཟན་མ་རུངས་པ་དང་། {ཡི་དགས་,ཡི་དྭགས་}མ་རུངས་པ་དང་།
D555.089.0068b03.01མི་དང་མི་མ་ཡིན་པ་ལ་སོགས་པས་ཕྱིར་རྒོལ་བ་དང་། གདོན་བགེགས་དང་། སྡུག་བསྔལ་གྱིས་འཚེ་བའི་འཇིགས་པ་ལས་ཐར་བར་འགྱུར་ཞིང་སྒྲིབ་པ་ལྔ་ལས་རྣམ་པར་གྲོལ་ནས། ས་གསུམ་པ་མི་བརྗེད་ཅིང་རྗེས་སུ་དྲན་པར་འགྱུར་རོ། །རིགས་ཀྱི་བུ་བྱང་ཆུབ་
D555.089.0068b04.01སེམས་དཔའ་སེམས་དཔའ་ཆེན་པོས་ས་བཞི་པ་ལས་ཐོབ་པའི་གཟུངས་གང་ཡིན་པ་དེ་ནི་རྒྱ་ཆེར་ཕན་འདོགས་པ་ཞེས་བྱའོ། །ཏདྱ་ཐཱ། ཤི་རི་ཤི་རི། དི་མ་དི་མ་ནི། དྷ་རི་དྷ་རི་ཎི། ཤི་རི་ཤི་རི་ཎི། བི་ཤ་ལཱ། བི་ཤ་ལཱ། བ་ཤ་བ་ཤ་ནི། བནྡྷ་ནི་ཡེ་སྭཱ་ཧཱ། རིགས་ཀྱི་བུ་
D555.089.0068b05.01གཟུངས་འདི་ནི་གང་གཱའི་ཀླུང་བཞིའི་བྱེ་མ་སྙེད་ཀྱི་གྲངས་ལས་འདས་པའི་སངས་རྒྱས་རྣམས་ཀྱིས་ས་བཞི་པའི་བྱང་ཆུབ་སེམས་དཔའ་ཡོངས་སུ་བསྲུང་བའི་ཕྱིར་གསུངས་པ་ཡིན་ཏེ། གང་ལ་ལ་ཞིག་གིས་གཟུངས་སྔགས་འདི་ཁ་ཏོན་དུ་འདོན་ཅིང་ཡོངས་སུ་འཛིན་པར་བྱེད་ན་
D555.089.0068b06.01གཅན་གཟན་མ་རུངས་པ་དང་། {ཡི་དགས་,ཡི་དྭགས་}མ་རུངས་པ་དང་། མི་དང་མི་མ་ཡིན་པ་ལ་སོགས་པས་ཕྱིར་རྒོལ་བ་དང་། གདོན་བགེགས་དང་། སྡུག་བསྔལ་གྱིས་འཚེ་བའི་འཇིགས་པ་རྣམས་ལས་ཐར་བར་འགྱུར་ཞིང་སྒྲིབ་པ་ལྔ་ལས་རྣམ་པར་གྲོལ་ནས་ས་བཞི་པ་མི་
D555.089.0068b07.01