完整藏文原文 · 德格版页 当前仅加载第 89 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ལས་ཤིན་ཏུ་རྣམ་པར་དག་པའི་གཟུངས་ཀྱི་ལེའུ་སྟེ་དྲུག་པའོ།། །།གསེར་འོད་དམ་པ་མཆོག་ཏུ་རྣམ་པར་རྒྱལ་བ་མདོ་སྡེའི་རྒྱལ་པོ། བམ་པོ་ལྔ་པ། དེ་ནས་སངས་རྒྱས་ཀྱིས་བྱང་ཆུབ་ཤིང་གི་ལྷ་དགེ་བའི་ལྷ་མོ་ལ་འདི་སྐད་
D555.089.0072b01.01ཅེས་བཀའ་སྩལ་ཏོ། །ད་ཁྱོད་ཀྱིས་ཤེས་པར་གྱིས་ཤིག །བཟང་པོ་དཔལ་བྱང་ཆུབ་སེམས་དཔའི་མཚན་མོའི་རྨི་ལམ་དུ་གསེར་གྱི་རྔ་ལས་སྒྲ་ཆེན་པོ་བྱུང་སྟེ། སངས་རྒྱས་ཀྱི་ཡོན་ཏན་བསྟོད་པ་དང་། འགྱོད་ཚངས་ཀྱི་ཆོས་མཐོང་བ་དེའི་རྒྱུ་ཁྱེད་ལ་སོགས་པ་ལ་རྒྱ་
D555.089.0072b02.01ཆེར་བཤད་པ་འདི་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཤིག་དང་། འདས་པའི་ཚེ་རྒྱལ་པོ་གསེར་ཀླུའི་དབང་པོ་ཞེས་བྱ་བས་རྟག་པར་པདྨོ་ཀ་མ་ལ་ལྟ་བུས་ཕྱོགས་བཅུ་དུས་གསུམ་གྱི་སངས་རྒྱས་རྣམས་ལ་བསྟོད་ཅིང་བསྔགས་སོ། །དེ་ནས་ཕལ་མང་པོ་ལ་བསྟོད་པའི་
D555.089.0072b03.01ཚིགས་སུ་བཅད་པ་འདི་གསུངས་སོ། །གང་རྒྱལ་སྔ་མ་གང་དག་བྱུང་བ་དང་། །ཕྱོགས་བཅུ་དག་ན་གང་དག་བཞུགས་པ་དང་། །རྒྱལ་བ་དེ་དག་རྣམས་ལ་ཕྱག་འཚལ་ལོ། །རྒྱལ་བ་དེ་དག་ཀུན་ལ་བདག་བསྟོད་དོ། །ཐུབ་དབང་ཞི་བ་རབ་ཞི་རྣམ་པར་དག །ཁ་
D555.089.0072b04.01དོག་གསེར་དང་འདྲ་བར་སྣང་བའི་སྐུ། །སངས་རྒྱས་དབྱངས་ནི་དབྱངས་ཀུན་ནང་ན་སྙན། །ཚངས་པའི་སྒྲ་སྐད་ཤིན་ཏུ་བསྒྲགས་པའི་གསུང་། །རྐང་དྲུག་རྨ་བྱ་སྣག་ཚ་འདྲ་བའི་དབུ། །སྔོན་པོ་རབ་བསྐུམས་བྱ་དང་འདྲ་བར་མཛེས། །དུང་དང་ཁ་བ་ལྟ་བུར་དཀར་བའི་
D555.089.0072b05.01ཚེམས། །གསེར་གྱིས་སྤྲས་པ་ལྟ་བུར་རྟག་ཏུ་སྣང་། །སྡོ་ཞིང་ཡངས་ལ་ཤིན་ཏུ་དྲི་མེད་སྤྱན། །མེ་ཏོག་ཨུཏྤལ་སྔོན་པོ་ཁ་འབུས་འདྲ། །ལྗགས་ཀྱི་ཁ་དོག་བཟང་ཡངས་པདྨ་འདྲ། །པདྨ་སྐྱེས་པར་སྣང་བའི་པདྨོ་འདྲ། །སྨིན་མཚམས་དུང་དང་པདྨའི་རྩ་བ་འདྲ། །
D555.089.0072b06.01གཡས་ཕྱོགས་འཁྱིལ་པ་ཁ་དོག་བཻ་ཌཱུརྱ། །ཟླ་བ་ཚེས་ཤིང་ཟླ་བ་ཕྲ་བ་འདྲ། །ཐུབ་པ་མགོན་སྐུ་འབར་བ་བུང་བ་འདྲ། །འཇམ་{བཟངས་,བཟང་}གསེར་གྱི་ཐུར་མ་འདྲ་བ་ཡི། །ཞལ་ལས་འཕགས་ཞིང་ལྷམ་མེར་གྱུར་པའི་ཤངས། །རབ་མཆོག་དམ་པ་འཕགས་པ་རི་ཡི་
D555.089.0072b07.01